QR Premer-Ministriniń orynbasary Eraly Toǵjanov QR Úkimetinde ótken brifingte koronavirýs infektsiiasymen kúresýge tartylǵan dárigerler men meditsina qyzmetkerlerine ústeme aqy tóleýdiń odan ári jalǵasatyny týraly aityp berdi, dep habarlaidy "Ult aqparat"
Memleket basshysynyń tapsyrmasy boiynsha dárigerler men meditsina qyzmetkerlerine ústemeaqy tóleý úshin Úkimetke 40 mlrd teńgege jýyq qarajat bólindi.
«Tólemderdiń jartysy tólendi. Qalǵan bóligi biyl tamyz aiyna deiin tólenetin bolady», — dedi vitse-premer.
Sonymen qatar Toǵjanov jumysqa shyǵatyn ata-analarǵa qolaily bolý úshin balabaqshalarda kezekshi toptar uiymdastyrylatynyn aitty. Biraq sanitarlyq normalardy saqtaý qajet bolady.
«Mysaly, balabaqshgalarda árbir topta 25-30 baladan bar. Karantin kezeńinde saqtyq sharalaryn eskere otyryp, toptardaǵy balalar sanyn 15-ke deiin ǵana jetkizý kerek. Bul rette jumys isteitin ár ata-ananyń balalaryn balabaqshada qaldyrý múmkindigi bar ekenin atap aitqym keledi», — dedi Premer-Ministrdiń orynbasary.
