سولتٷستٸك قازاقستان وبلىسى قىزىلجار اۋداندىق اۋرۋحاناسىنىڭ انەستەزيولوگ-رەانيماتولوگى ولجاس ەسەنەەۆ كوروناۆيرۋسپەن كٷرەستە الدىڭعى قاتاردا جٷرگەن دەرٸگەرلەردٸڭ بٸرٸ. ماماننىڭ پٸكٸرٸنشە, COVID-19 ۆيرۋسى بار جەنە بولا بەرمەك. قازٸرگٸ مٸندەت – ونىمەن بٸرگە ٶمٸر سٷرٸپ ٷيرەنۋ, دەپ حابارلايدى «قازاقپارات».
سولتٷستٸك قازاقستان وبلىسىندا 2600-گە جۋىق مەديتسينا قىزمەتكەرٸ كوروناۆيرۋسپەن كٷرەسكە جۇمىلدىرىلعان. ولاردىڭ بٸرقاتارى قاۋٸپتٸ ينفەكتسييا ٶرشٸگەندە جۇمىس ٸستەپ جٷرگەن جەرلەرٸنەن پەتروپاۆلعا, ينفەكتسييالىق ستاتسيونارلارعا اۋىستىرىلدى. سولاردىڭ بٸرٸ – قىزىلجار اۋداندىق ورتالىق اۋرۋحاناسىنىڭ انەستەزيولوگ-رەانيماتولوگى ولجاس ەسەنەەۆ.
قاراعاندى مەملەكەتتٸك ۋنيۆەرسيتەتٸنٸڭ جەنە استانا مەديتسينالىق ۋنيۆەرسيتەتٸنٸڭ تٷلەگٸ. قازٸرگٸ ۋاقىتتا پەتروپاۆل قالالىق كٶپسالالى اۋرۋحانا باس دەرٸگەرٸنٸڭ ستراتەگييالىق جوسپارلاۋ جەنە قىزمەت ساپاسى بويىنشا ورىنباسارى بولىپ ەڭبەك ەتەدٸ.
«ٶزٸمنٸڭ نەگٸزگٸ جۇمىس ورنىما تەزٸرەك ورالعىم كەلەدٸ. ٷشٸنشٸ كۋرستا وقىپ جٷرگەن كەزٸمنەن باستاپ رەانيماتولوگ-انەستەزيولوگ بولۋدى ارماندادىم. ول ارمانىم ورىندالدى. جاقسى كٶرگەن جۇمىسىڭمەن اينالىسقاننان اسقان باقىت جوق دەپ ەسەپتەيمٸن.
مەنٸڭ جۇمىسىم قارقىندى تەراپييا جٷرگٸزۋ. كوروناۆيرۋس ٶرشٸپ تۇرعان كەزدە بٸزدٸڭ ينفەكتسييالىق ستاتسيونارعا ٶتە اۋىر حالدەگٸ ناۋقاستار جەتكٸزٸلٸپ وتىردى. ولار نەگٸزٸنەن 65 جاستان اسقاندار جەنە ۇزاق ۋاقىت بويى اۋىرعاندار, سونداي-اق ارتەريالدى گيپەرتەنزييا, قانت ديابەتٸ بارلار. كوروناۆيرۋس بۇل ناۋقاستاردىڭ پاتولوگيياسىن قوزعاپ جٸبەرگەن.
جالپى قاۋٸپتٸ ۆيرۋستى جۇقتىرىپ, ول اسقىنعاندا ٶكپە زاقىمدانادى. بۇل قازٸر بەرٸنە بەلگٸلٸ. مۇندايدا ادام ٶزدٸگٸنەن دەم الا المايدى. ناۋقاسقا رەانيماتسييا مەن قارقىندى تەراپييا قاجەت. بٸزدٸڭ بٶلٸمشەگە تٷسكەندە رەانيماتولوگتار مەن انەستەزيولوگتار, مەدبيبٸلەر, سانيتاركالارى بار ٷلكەن كوماندا قارسى الىپ, تىنىس الۋىن قالپىنا كەلتٸرۋ ٷشٸن جۇمىلا ٸسكە كٸرٸسەدٸ. كٶپ جاعدايدا سىرقات بٸردەن ٶكپەنٸ جاساندى جەلدەتۋ اپپاراتىنا قوسىلادى, وتتەگٸ بەرٸلٸپ, دەرٸ ارقىلى ۇيقىعا جٸبەرٸلەدٸ. قان قىسىمىن, جٷرەك قاعىسىن, قانداعى قانت دەڭگەيٸن باقىلاي وتىرا بەلگٸلەنگەن پروتوكولعا بايلانىستى ەمدەيمٸز. نۇر-سۇلتانداعى ەرٸپتەستەرٸمٸزبەن ٷنەمٸ بايلانىس ۇستادىق. وبلىستىڭ باس ينفەكتسيونيسٸ, باس رەانيماتولوگىنىڭ قاتىسۋىمەن ٷنەمٸ كونسيليۋمدار ٶتٸپ تۇردى. بارلىعى بٸزبەن بايلانىستى ٷزگەن جوق. بٸز ٶزٸمٸزدٸ قيىندىقپەن بەتپە-بەت قالعانداي سەزٸنگەنٸمٸز جوق, قولداۋ بولدى», - دەيدٸ ولجاس ەسەنەەۆ.
دەرٸگەردٸڭ ايتۋىنشا, ولار ينفەكتسييالىق ستاتسيوناردا جىلجىمالى كەستەمەن, جەكە قورعانىش كوستيۋمٸمەن جۇمىس ٸستەگەن. ەپيدەميولوگييالىق تالاپتاردى قاتاڭ ساقتاۋدىڭ نەتيجەسٸندە قاۋٸپتٸ ۆيرۋستى جۇقتىرعان جوق.
«تۋعاندارىمىزعا جۇقتىرامىز دەپ الاڭداماي جۇمىس ٸستەۋ ٷشٸن قالاداعى ەڭ جاقسى قوناق ٷيلەردٸڭ بٸرٸندە بارلىعىمىز ٷلكەن بٸر وتباسى سيياقتى تۇردىق. بٸزدٸ قاجەتتٸڭ بەرٸمەن قامتىدى. سول ٷشٸن دەنساۋلىق ساقتاۋ باسقارماسىنا, وبلىس ەكٸمٸنٸڭ اپپاراتىنا العىس ايتامىن. تۋىستارىمىزبەن, دوستارىمىزبەن تەلەفون, تٷرلٸ مەسسەندجەرلەر ارقىلى بايلانىسقا شىعىپ تۇردىق.
مەن ٷشٸن جەكە قورعانىس قۇرالىن كيٸپ جۇمىس ٸستەۋ رەجيمٸنە كٶشۋ ەڭ قيىنى بولدى. ٷنەمٸ قورعانىس كيٸمٸمەن جەنە ماسكا تاعىپ جٷرۋ فيزيكالىق جاعىنان عانا ەمەس, پسيحو-ەموتسيونالدى تۇرعىدان دا قيىندىق ەكەلدٸ. ٷيرەنشٸكتٸ ٶمٸر سٷرۋ سالتى ٶزگەردٸ, بۇرىن ٸستەۋگە بولاتىن نەرسەلەردٸڭ كٶبٸنەن باس تارتتىم. ٶيتكەنٸ مەن جۇقپالى اۋرۋلار بٶلٸمشەسٸندە ەڭبەك ەتەمٸن. سول سەبەپتٸ مەن ەپيدەميولوگييالىق تالاپتاردى قاتاڭ ساقتاۋعا مٸندەتتٸمٸن», - دەيدٸ دەرٸگەر.
ولجاس ەسەنەەۆتٸڭ پٸكٸرٸنشە, كوروناۆيرۋستى جۇقتىرعاندار نەگٸزٸنەن سانيتارلىق تالاپتاردى ساقتاماعاندار نەمەسە بۇل ۆيرۋستىڭ بارلىعىنا شٷبە كەلتٸرگەندەر.
«ەلٸ كٷنگە كوروناۆيرۋستىڭ بارلىعىنا سەنبەيتٸندەر بار. بۇل ۆيرۋس بار, بولادى, ەشقايدا كەتپەيدٸ. وعان كٶنۋٸمٸز كەرەك جەنە بۇل ينفەكتسييامەن بٸرگە ٶمٸر سٷرٸپ ٷيرەنۋٸمٸز قاجەت.
مەنٸڭ بايقاعانىم, كوروناۆيرۋس ينفەكتسيياسىنان نەگٸزٸنەن 65 جاستان اسقان ادامدار زارداپ شەگەدٸ. سونىڭ ٸشٸندە قانت ديابەتٸ بارلار, قان قىسىمى جوعارى, سوزىلمالى جٷرەك جەتكٸلٸكسٸزدٸگٸ جەنە اۋتويممۋندى اۋرۋى بارلار ٷيدەن شىقپاۋعا تىرىسۋلارى قاجەت. قوعامدىق ورىنداردا بولعان جاعدايدا مٸندەتتٸ تٷردە قولدى سابىنداپ جۋعانى جٶن. ماسكا تاعۋ, قولعاپ كييۋ, ٶز دەنساۋلىعىنا جاۋاپكەرشٸلٸكپەن قاراۋ ماڭىزدى. سونداي-اق يممۋنيتەتتٸ جاقسارتۋعا كەڭەس بەرەر ەدٸم. يممۋنيتەت جاقسى بولسا, اۋرۋ جەڭٸل ٶتەدٸ. ول ٷشٸن دەرۋمەنگە باي تاعامدى تۇتىنىپ, كٷندەلٸكتٸ رەجيمدٸ ۇستانۋ كەرەك. ياعني جەتكٸلٸكتٸ دەڭگەيدە دەم الىپ, ۇيىقتاۋ جەنە ەموتسييالىق فوندى دا ۇمىتپاۋ. دٷرلٸكپەۋ, بايبالامعا بەرٸلمەۋ قاجەت. بۇل – يممۋنيتەتتٸڭ تٶمەندەۋٸنە ەسەر ەتەدٸ. كٸسٸ كٶپ جينالاتىن جەرلەرگە بارماي جەنە وسىعان وراي «ۇيات بولادى» دەگەندٸ قازٸرگٸ جاعدايدا ۇمىتۋ قاجەت», - دەيدٸ انەستەزيولوگ-رەانيماتولوگ.
