الماتىداعى №36 قالالىق ەمحانانىڭ پۋلمونولوگ-دەرٸگەرٸ, مەديتسينا عىلىمىنىڭ كانديداتى دەمە سايلانوۆا سOVID-19 ينفەكتسيياسىمەن اۋىرعانداردىڭ دەنساۋلىعى تۋرالى ايتىپ بەردٸ, دەپ حابارلايدى قازاقپارات.
ماماننىڭ ايتۋىنشا, Covid-19 اۋرۋىمەن اۋىرعان پاتسيەنتتەردٸڭ دەنساۋلىعىنىڭ جاعدايى ەرتٷرلٸ, اۋرۋشاڭدىقتى كٶتەرە الۋىنا بايلانىستى.
«اۋرۋدان ايىققان ادامنىڭ دەنساۋلىعى بٸر ايدان بٸر جىلعا دەيٸنگٸ ارالىقتا قالپىنا كەلەدٸ. ٶكپەسٸ زاقىمدانعان پاتسيەنتتەردە پنەۆموفيبريوز تۋىنداۋى مٷمكٸن, ياعني رەنتگەنگە تٷسكەن كەزدە ول تٸگٸس سەكٸلدٸ كٶرٸنەدٸ. كوروناۆيرۋسپەن اۋىرعان پاتسيەنتتەردٸڭ كەيبٸرەۋٸندە جالپى ەلسٸزدٸك, تەز شارشاپ قالۋ, اشۋلانشاقتىق, كٶڭٸل كٷيٸنٸڭ جيٸ ٶزگەرۋٸ, ۇيقىسىنىڭ بۇزۋىلۋى, دەپرەسسييا مازاسىن الادى, مۇنداي كەزدە ەمدەۋ شاراسىن جٷرگٸزٸپ ورگانيزمدٸ بەكٸتۋ قاجەت. اۋىر ٶتكەن كوۆيد پنەۆمونيياسىنان كەيٸنگٸ پاتسيەنتتەردٸ بٸز, كٶرسەتكٸشتەرٸ بويىنشا, ٶكپەنٸڭ جەلدەتۋٸن جاقسارتۋ, مازاسىزدىق پەن دەپرەسسييانىڭ الدىن الۋ, ٶمٸر سٷرۋٸن جاقسارتۋ ماقساتىندا وڭالتۋ ورتالىقتارىنا جٸبەرەمٸز», - دەيدٸ دەرٸگەر.
وڭالتۋدىڭ ۇزاقتىلىعى 14 كٷنگە دەيٸن سوزىلادى. ول جەردە رەابيليتولوگ دەرٸگەرلەردٸڭ باقىلاۋىندا بولادى. دەپرەسسييا بەلگٸسٸ انىقتالعان پاتسيەنتتەرمەن پسيحولوگتار جۇمىس ٸستەيدٸ. سونداي-اق, فيزيوتەراپەۆتٸك ەمشارالار جٷرگٸزٸلٸپ, كەۋدە كلەتكاسىنا ماسساج جاسالادى.
ٶكپەسٸ 50-60% زاقىمدانعان پاتسيەنتتەردٸڭ ٶكپە كلەتكاسى جارتى جىلدا قالپىنا كەلەدٸ.
«اۋىر ٶتكەن كوۆيد پنەۆمونيياسىنان كەيٸنگٸ قالپىنا كەلۋ ٷردٸسٸ – وڭاي ەرٸ تەز ٶتەتٸن ٷردٸس ەمەس. ەر ادامدا قالپىنا كەلۋ ۋاقىتى ەرتٷرلٸ بولادى, ول ادام اعزاسىنا جەنە سوزىلمالى اۋرۋعا بايلانىستى»,-دەيدٸ ول.
مامان كوروناۆيرۋس ينفەكتسيياسىمەن اۋىرعان ادامدارعا بەلسەندٸ قوزعالۋعا, تىنىس الۋ گيمناستيكاسىن جاساۋعا, تازا اۋادا جيٸ سەرۋەندەۋگە, اقۋىزى بار تاماقتاردى كٶپ جەۋگە كەڭەس بەردٸ.
