37 جاستاعى اقتٶبە تۇرعىنى Ashyq جٷيەسٸندەگٸ "قىزىل" ستاتۋسىنا بايلانىستى بٸرنەشە كٷننەن بەرٸ جۇمىسقا بارا الماي, جٷيەگە قوسىلعان نىساندارعا كٸرە الماي جٷرگەنٸن ايتتى. ونىڭ ايتۋىنشا, جٷيەدە قاتە كەتكەن, ال ٶزٸ مٷلدە كوروناۆيرۋس ينفەكتسيياسىن جۇقتىرماعان, - دەپ حابارلايدى "دياپازون".
"مەن كوروناۆيرۋس جۇقتىرعان جوقپىن, بٸراق Ashyq جٷيەسٸنەن ٶزٸمدٸ تەكسەرگەندە "قىزىل" ستاتۋسقا يە ەكەنٸمدٸ بٸلدٸم. قازٸر بٷكٸل جەردە Ashyq جٷيەسٸ قوسىلعاندىقتان جۇمىسىما بارا المايمىن, تٷرلٸ نىساندارعا كٸرە المايمىن.
كوروناۆيرۋس ينفەكتسيياسىن مەنٸمەن اتتاس ادام جۇقتىرعانىن بٸلدٸم. ەكەۋمٸزدٸڭ تولىق اتى-جٶنٸمٸز بٸردەي, بٸراق تۋعان كٷنٸمٸز بەن تۇرعىلىقتى مەكەنجايىمىز ەرتٷرلٸ. ال دەرەكتەر بازاسىندا ونىڭ جسن ورنىنا, مەنٸڭ جسن ەنگٸزٸپ جٸبەرگەن. وسىنداي قاتەلٸك سالدارىنان, بٸرەۋدٸڭ نەمقۇرايدىلىعىنان, ۇقىپسىزدىعىنان مەن بٸرنەشە كٷن بويى جاپا شەگٸپ جاتىرمىن. بۇل دۇرىس پا? شىن مەنٸندە ۆيرۋس جۇقتىرعان ادام قازٸر قالادا ەركٸن قىدىرىپ جٷر, ال مەن ٷي قاماقتا وتىرمىن. بۇل قالاي?", - دەدٸ قالا تۇرعىنى الەكسەي.
№4 ەمحانانىڭ باس دەرٸگەرٸنٸڭ مٸندەتٸن اتقارۋشى مۇنداي جايت جىلجىمالى بريگادا دەرٸگەرٸنٸڭ دەرەكتەردٸ قاتە ەنگٸزۋٸنە بايلانىستى بولعانىن ايتتى. بۇل دەرەك بويىنشا ٸشكٸ تالداۋ جٷرگٸزٸلگەن. بٸراق ەزٸرگە بەرٸ نەتيجەسٸز.
اقپاراتتى وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ دە تەكسەرگەن.
«№4 اقتٶبە قالالىق ەمحاناسىندا مۇنداي جاعداي تٸركەلدٸ. اناليز العان كەزدە مەلٸمەتتەر قاتە تولتىرىلعان. بٸز بٸردەن حابارلاسىپ, قاتەلٸك تٷزەتٸلدٸ. كٶپ ۋاقىت قاجەت ەمەس, بٸر كٷندە بارلىعىن قالپىنا كەلتٸرەمٸز. شىنىنا كەلگەندە ادام قازٸر كٶپ, جٷكتەمە ەسەلەندٸ. ادامي فاكتور بولىپ تۇر», - دەدٸ وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى رايحان قويشانوۆا.
