كوروناۆيرۋس ينفەكتسيياسىن جۇقتىرعاندار اراسىندا № 12 قالالىق ەمحانانىڭ پروۆيزورى مانات ەلماحانوۆا دا بار. ول قازاقپارات تٸلشٸسٸنە قاۋٸپتٸ ۆيرۋسپەن قالاي كٷرەسكەنٸ تۋرالى ەگجەي-تەگجەيلٸ ايتىپ بەردٸ.
ۆيرۋس جۇقتىرعان مانات ەلماحانوۆا 4 مامىردان بەرٸ ٷيدەن شىعا الماي وتىر.
العاش رەت 12 سەۋٸر, ياعني جەكسەنبٸ كٷنٸ تاماعى جىبىرلاي باستاعاندا ول جاي عانا سۋىق تيگەن بولار دەپ ويلاعان. ەمحانا قىزمەتكەرٸ كوروناۆيرۋس جۇقتىرعانى ٷش ۇيىقتاسا تٷسٸنە كٸرمەگەنٸن ايتتى.
«بالا كەزٸمنەن مەندە سوزىلمالى انگينا بار بولاتىن. سودان بولار ەسكٸ اۋىرۋ دەپ قامسىز جٷرە بەردٸم. بٸر كٷن ٶتتٸ. كەلەسٸ كٷنٸ دەنەم توڭىپ, قالتىراپ بٸردەن قىزۋىم كٶتەرٸلدٸ. الايدا ٶزٸم پروۆيزور بولعاندىقتان قولدا بار پرەپاراتتاردىڭ بارلىعىن ٸشە باستادىم. بٸراق, بٸر بايقاعانىم قانشا دەرٸ ٸشسەم دە ماعان كٶمەكتەسپەدٸ. بٸرنەشە كٷن ٶتكەن سوڭ ارقامنىڭ ٶكپە تۇسى اۋىرا باستادى. سول كەزدە مەندە قورقىنىش سەزٸمٸ پايدا بولدى. اۋىرىپ تۇرسام دا اپتانىڭ دەمالىس كٷندەرٸن كٷتتٸم. سەرسەنبٸ كٷنٸ جۇمىستا تەست تاپسىردىم. تەست نەتيجەسٸ كٷمەندٸ بولدى. سول ٷشٸن ماعان پتر تالداۋدان ٶتۋ ۇسىنىلدى. بەيسەنبٸ كٷنٸ پتر تاپسىردىم. جۇما كٷنٸ جۇمىستا دٸرٸلدەپ قالتىراپ وتىرا الماي كەتتٸم. سەنبٸ كٷنٸ مەندە دەنە قىزۋىم تٷسٸپ, تاماعىم اۋىرعانى باسىلعانىمەن دەمٸكپە, جٶتەل پايدا بولدى. تٶسەكتە گوريزونتالدى جاتا الماي, تىنىسىم تارىلا باستادى», -دەدٸ مانات.
ونىڭ ايتۋىنشا, سەنبٸ كٷنٸ تٷنگٸ ساعات 23:00 شاماسىندا قىزمەتتٸك چاتتان «ەلماحانوۆا مانات – COVID-19 تەست وڭ نەتيجە كٶرسەتتٸ» دەگەن حابارلاما كەلدٸ.
«وسى حابارلامادان سوڭ مەنٸڭ ۇيقىم قاشتى. بويىمدى ٷرەي, قورقىنىش بيلەدٸ. جەكسەنبٸ كٷنٸ تاڭەرتەڭ مەنٸ جەدەل جەردەم الماتى قالاسى فتيزيوپۋلمانولوگييا ورتالىعىنا الىپ كەتتٸ. سول جەردە دەرٸگەرلەر ماعان ەمدەۋ كۋرسىن بەلگٸلەدٸ. رەنتگەنگە تٷسكەنٸمدە نەتيجەسٸ تازا بولىپ شىقتى. ۆيرۋسقا قارسى الۋۆيا دەگەن پرەپارات ٸشتٸم», - دەدٸ مانات.
ۆيرۋسقا قارسى پرەپارات اۋىر بولعاندىقتان, پاتسيەنتكە كەرٸ ەسەرٸ ٶتە كٶپ بولعان. مانات بٸرنەشە كٷن بويى قۇسىپ, تاماققا تەبەتٸ ناشارلاعان.
«جٷرەگٸم ايني بەردٸ. سوسىن ەمدەۋشٸ دەرٸگەر الۋۆيا پرەپاراتىن بٸرنەشە كٷنگە توقتاتتى. ەرتەسٸنە ۇيقىبەزدٸڭ, باۋىر جۇمىسىن تەكسەرۋ ٷشٸن تامىردان قان الدى. بٸراز كٷندە تەبەتٸم قايتا جاقسارعان سوڭ دەرٸنٸ قايتا قوستى. وسىلاي 10 كٷن ٶتتٸ. 10 كٷننەن سوڭ تاعى دا جٷرەگٸم اينىپ قۇسا باستادىم. ودان كەيٸن دە دەرٸگەر كٸشكەنە ٷزٸلٸس بەردٸ. ال جاعدايىم جاقسى بولاتىن. جٶتەل, ەنتٸگۋ 10 كٷندە كەتكەن بولاتىن. بٸراق, دەرٸلەردٸڭ كٷشٸ ٸشكٸ ورگاندارىما ەسەر ەتە باستادى», - دەدٸ ول.
ول اۋرۋحانانىڭ ماماندارىنىڭ بٸلٸكتٸلٸگٸ مەن ەمحاناداعى قىزمەتكە كٶڭٸلٸ تولاتىندىعىن جاسىرمادى.
«تاماقتارى ٶتە دەمدٸ بولدى. كٷندەلٸكتٸ ەرتٷرلٸ جەمٸس-جيدەك, پٸسٸلگەن ىستىق بەلٸش, بۇقتىرمالار, سالات بەرەتٸن. كٶپ ادام اس-اۋقاتقا قاتىستى نارازىلىق بٸلدٸردٸ عوي. بٸراق مەن جاتقان اۋرۋحانادا 5 ۋاقىت قۇنارلى تاماق بەرٸپ تۇردى. بەرگەن تاماقتارى 10 كٷندە قايتالانبادى دەسەم دە ارتىق ەمەس. مەديتسينا قىزمەتكەرلەرٸ بٸزدٸڭ كٶڭٸل-كٷيٸمٸزدٸ كٶتەرٸپ, ەردايىم پوزيتيۆ سىيلايتىن. دەلٸزدە 24 ساعات شاي قايناپ, ٷستەل ٷستٸندە شاي, قانت, تۇز تۇرادى. مينەرالدى سۋ تاراتادى», - دەدٸ ول.
اۋرۋحاناعا تٷسكەنٸنە 15 كٷن بولعاندا مانات ەلماحانوۆا قورىتىندى پتر تالداۋىن تاپسىرعان.
«ول كٷنٸ قوبالجىپ, قورقىپ كٷتتٸم. 4 مامىردا پتر تالداۋى الىندى. نەتيجەسٸن كٷتكەندە دە ساعاتتار جىلعا اينالعانداي بولدى. تالداۋ نەتيجەسٸ ەلٸ ۆيرۋس بار ەكەنٸن كٶرسەتكەندە قاتتى كٷيزەلٸسكە تٷستٸم. ودان كەيٸن 7 مامىردا تاپسىرعاندا تاعى دا تەست نەتيجەسٸ قۋانتپادى. مەن ٶزٸم وسى ۆيرۋستان ٶمٸرٸ قۇتىلا المايتىنداي كٷي كەشتٸم. قورقىنىش, ٷرەي بيلەدٸ. سەنبٸ كٷنٸ ەستٸگەننەن باستاپ مەندە بٸر اپتا ۇيقى بولعان جوق. پسيحولوگييالىق تۇرعىدان ٶتە اۋىر بولدى. 15 مامىردا تاعى قورىتىندى پتر تاپسىردىم. سول كەزدە تەست نەتيجەسٸ تەرٸس بولىپ شىقتى. ەكٸ رەت قاتار تەرٸس نەتيجە شىققان سوڭ 16 مامىردا مەنٸ اۋرۋحانادان شىعاردى», - دەدٸ مانات.
پاتسيەنت ەلٸ دە ٷيٸندە 14 كٷندٸك كارانتيندە جاتىر.
قازٸر ول تاعى دا پتر تالداۋىن كٷتٸپ وتىر. تەرٸس شىقسا, جۇمىسىنا ورالماقشى.
مانات ٶزٸنٸڭ كوروناۆيرۋستى ناقتى قايدا جۇقتىرعانىن بٸلمەيدٸ. ٶزٸ قىزمەت ەتەتٸن № 12 قالالىق ەمحانادا ودان بۇرىن كوروناۆيرۋس دەگەن دياگنوزبەن 7 ادامدى جەدەل جەردەممەن الىپ كەتكەن.
«اۋرۋحانادا جاتقاندا كٶپشٸلٸكتٸڭ بٸر-اق سۇراعى بولدى. شىنىمەن ۆيرۋس بار ما ەكەن دەگەن. يە, ۆيرۋس بار ەكەن. بولعاندا دا جاي عانا تۇماۋ ەمەس, ٶتە اۋىر بولادى ەكەن. بايقاساڭىز مەن اۋرۋحاناعا تٷسكەندە كٶكتەم بولعان. قازٸر دالادا جاز. ال مەن ەلٸ ٷيدە قامالىپ وتىرمىن. ٷكٸمەت بەرەتٸن اقشا ٷشٸن اۋىرىپ جاتىر دەگەن قاۋەسەت تە بار. بٸراق مەن ايتار ەدٸم, باسىمنان ٶتكەن قيىن احۋالدى قانشا اقشا بەرسە دە قايتالاماۋعا بار كٷشٸمدٸ سالار ەدٸم», - دەدٸ ول.
مانات جالعىز ٶزٸ تۇرادى. سوندىقتان دا ونىڭ تۋىستارى, جاقىندارىندا ۆيرۋس جۇقتىرۋ قاۋپٸ بولماعان.
