كوروناۆيرۋس جەلتوقساننىڭ سوڭى مەن قاڭتاردىڭ باسىندا ٶرشۋٸ مٷمكٸن. مۇنداي بولجامدى قازاقستاننىڭ رەپرودۋكتيۆتٸ مەديتسينا قاۋىمداستىعىنىڭ پرەزيدەنتٸ, پروفەسسور ۆياچەسلاۆ لوكشين جاسادى, دەپ حابارلايدى قازاقپارات.
«ەڭ الدىمەن, بٷكٸل ەلەمدە جەنە ەۋروپادا كوروناۆيرۋسقا قاتىستى قانداي جايتتىڭ ورىن الىپ جاتقانىن كٶرٸپ وتىرسىزدار. ونىڭ قازاقستاندا دا ورىن الۋ ىقتيمالدىعى بار. دەگەنمەن, ول بٸزدە بٸرشاما جەڭٸل ٶتۋٸ مٷمكٸن, سەبەبٸ ماۋسىم مەن شٸلدە ايىندا بٸزدە كٶپ ادام اۋىرىپ شىقتى», - دەدٸ قاۋىمداستىق پرەزيدەنتٸ اگەنتتٸك تٸلشٸسٸنە بەرگەن سۇحباتىندا.
سونىمەن قاتار پروفەسسور ەلٸمٸزدەگٸ كوروناۆيرۋس ينفەكتسيياسىنا شالدىعۋعا قاتىستى شىنايى جاعداي مەن رەسمي ستاتيستيكا اراسىنداعى مەلٸمەتتەر قاراما-قايشىلىعىنا قاتىستى پٸكٸر بٸلدٸردٸ.
«شىندىعىنا كەلگەندە, بٸزدٸڭ رەسمي ستاتيستيكامىز شىنايى جاعدايدان 20-30 ەسەگە از كٶرسەتٸپ وتىر. سەبەبٸ ادامداردىڭ كٶپشٸلٸگٸ مەديتسينالىق كٶمەككە جٷگٸنگەن جوق. قازٸر دە كٶپ ادام اۋىرىپ جٷرگەنٸمەن, پتر-تەستٸلەۋدەن ٶتپەيدٸ. مۇنى دا بٸلٸپ وتىرمىز. پتر-دٸڭ وڭ نەتيجەسٸ بارلىق ۋاقىتتا كوروناۆيرۋس بولا بەرمەيدٸ. سونىمەن قاتار تەرٸس نەتيجە دە ۆيرۋستىڭ جوق ەكەندٸگٸنە دەلەل بولا المايدى. سول سەبەپتٸ مەنٸڭشە, جەلتوقسان ايىنىڭ سوڭى مەن قاڭتار ايىنىڭ باسىندا اۋرۋعا شالدىعۋ ٶسٸمٸ قازٸرگٸدەن ەلدەقايدا جوعارى بولادى», - دەدٸ ۆياچەسلاۆ لوكشين.
قازاقستاننىڭ رەپرودۋكتيۆتٸ مەديتسينا قاۋىمداستىعى پرەزيدەنتٸنٸڭ بولجامىنشا, كوروناۆيرۋسقا شالدىعۋ كٶرسەتكٸشٸ, ەسٸرەسە ەلٸمٸز ٶڭٸرلەرٸندە ۋشىعا تٷسۋٸ مٷمكٸن.
«قازٸرگٸ ۋاقىتتا ەلٸمٸزدٸڭ شىعىسى مەن سولتٷستٸگٸندە كوروناۆيرۋستىڭ ٶرشٸپ تۇرعانى بەلگٸلٸ. مۇنداي جايت وڭتٷستٸككە دە كەلٸپ جەتەدٸ. سوندىقتان وعان دايىن بولۋىمىز قاجەت», - دەدٸ پروفەسسور.
وسى ورايدا ول سانيتارلىق شەكتەۋ شارالارىن ساقتاۋ ماڭىزدىلىعىنا توقتالدى.
«كوروناۆيرۋستان ساقتانىپ, دەنساۋلىعىمىزعا قاۋٸپ تٶندٸرۋدٸڭ جالعىز جولى - ەلەۋمەتتٸك اراقاشىقتىق ساقتاۋ, بارلىق جەردە ماسكا تاعۋ جەنە قولدى ٷنەمٸ جۋۋ. تۋعان كٷن, ٷيلەنۋ تويىن ٶتكٸزۋدٸ, جەرلەۋ رەسٸمٸنە قاتىسۋدى دوعارۋ كەرەك. جۇمىستان باسقاسىنىڭ بەرٸ توقتاعانى جٶن. مەيرامحانالارعا جۇمىس ٸستەۋ كەرەكتٸگٸ تٷسٸنٸكتٸ. بٸراق, ولار ساقتىق شارالارىن قازٸرگٸدەن دە قاتتى ساقتاۋ تيٸس. ەگەر دەرٸگەرلەردٸڭ ۇسىنىمدارىن ورىندامايتىن بولساق, وندا ازاماتتارىمىزدان ايىرىلا بەرەمٸز», - دەدٸ ۆياچەسلاۆ لوكشين.
ايتا كەتەرلٸگٸ, ٶتكەن تەۋلٸكتە عانا قازاقستاندا 762 ادامدا كوروناۆيرۋس ٸندەتٸ پتر ارقىلى راستالدى. قازٸرگٸ ۋاقىتتا ەلٸمٸزدە كوروناۆيرۋستان 9 961 ادام ەمدەلۋدە. ولاردىڭ اراسىندا 464 بالا بار. جالپى ناۋقاستاردىڭ اراسىندا 228 ادامنىڭ دەنساۋلىق جاعدايى ناشار. سونىڭ ٸشٸندە 22 ناۋقاستىڭ جاعدايى قاتتى اۋىر دەپ باعالانىپ وتىر. 23 ناۋقاس جاساندى تىنىس الۋ اپپاراتىندا جاتىر.
