قازاقستاندىقتار Telegram-چاتتاردا كوروناۆيرۋسقا قارسى ەگٸلگەن ادامداردىڭ ەرەكشە قابٸلەتتٸلٸكتەرٸ تۋرالى جاڭا تەورييانى تالقىلاۋدا. ياعني, ەكپە العاندار Bluetooth سيگنالىن تاراتىپ, قابىلداي الادى دەگەن بولجام ايتىلۋدا, دەپ حابارلايدى "ۇلت اقپارات".
stopfake.kz سايتىنىڭ جازۋىنشا, بۇل اقپارات – فەيك.
بۇل تەورييا جەلٸنٸڭ اعىلشىن تٸلدٸ سەگمەنتٸندە شىققان. @al_janabi اتتى پايدالانۋشى ٶزٸنٸڭ TikTok-تەگٸ پاراقشاسىندا اينالاسىنداعى قۇرىلعىلاردىڭ بارلىعى ونىڭ Bluetooth سيگنالىنا قوسىلۋعا تىرىساتىنى تۋرالى ۆيدەو جارييالاعان. ۆيدەو اۆتورىنىڭ ايتۋىنشا, بۇعان دەيٸن ول Astra-Zeneca ۆاكتسيناسىن سالدىرعان. تٷپنۇسقا ۆيدەو كەيٸننەن ٶشٸرٸلدٸ, بٸراق ول باسقا ەلەۋمەتتٸك جەلٸلەردە تاراتىلا باستادى.
stopfake.kz وسىعان ۇقساس فەيك-اقپاراتتى دا جوققا شىعارعان بولاتىن. ول كەزدە پايدالانۋشىلار ٶزدەرٸنٸڭ موبيلدٸ تەلەفوندارىنا شىعىپ تۇرعان MAC-كودتاردى ۆاكتسيناتسييالانعان ادامداردىڭ جەكە كودى دەپ ويلاعان ەدٸ.
