كوروناۆيرۋس قاۋپٸ جايلى ەڭ العاش اقپاراتتار شىعا باستاعاندا دٷيٸم جۇرت دٷرلٸگٸپ, كٶپتٸڭ نازارى شەكاراداعى بەكەتتەرگە اۋعان ەدٸ. قازاقستان مەن قىتاي اراسىنداعى سونداي ستانتسييالاردىڭ بٸرٸ – الماتى وبلىسىنىڭ پانفيلوۆ اۋدانىنداعى التىنكٶل بەكەتٸ. الايدا العاشقى كٷننەن باستاپ التىنكٶل ستانتسيياسىنىڭ سانيتارلىق-كارانتيندٸك قىزمەتٸ شەكاراداعى بٸردە-بٸر ادامدى تەكسەرٸسسٸز ٶتكٸزبەي, جاعدايدى قاتاڭ باقىلاۋدا ۇستاپ كەلەدٸ.
التىنكٶل ستانتسيياسىنداعى سانيتارلىق-كارانتيندٸك قىزمەت دەنساۋلىق ساقتاۋ مينيسترلٸگٸنٸڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ اۋماقتىق دەپارتامەنتٸنە قارايدى. مۇنداعى سانيتارلىق-كارانتيندٸك باقىلاۋ بٶلٸمنٸڭ باسشىسى عاليوللا نۋرۋللين بٸرنەشە مامانمەن بٸرگە كٷندٸز-تٷنٸ دەمالىسسىز تەكسەرٸس جۇمىستارىن جٷرگٸزٸپ كەلەدٸ ەكەن.
«قازٸرگٸ ۋاقىتتا قازاقستان مەن قىتاي اراسىنداعى تەك لوكوموتيۆ بريگاداسىنىڭ مٷشەلەرٸ جٷك تاسىمالىن ورىنداپ جٷر. جٷك تاسىمالدانعان كەزدە لوكوموتيۆتٸڭ ەكٸ قىزمەتكەرٸ عانا جٷرەدٸ. بۇرىن وسى قىزمەتكەرلەرمەن وقۋ-جاتتىعۋ جيىنىن ٶتكٸزگەنبٸز. قازٸر بٸردە-بٸر جولاۋشى ارى نەمەسە بەرٸ ٶتە المايدى. تەك جٷك تاسىمالى بار. لوكوموتيۆ بريگاداسىنىڭ مٷشەلەرٸن بٸز بٸردەن نەيترالدى اۋماققا اپارىپ, تەرمومەترييادان, ساۋالنامادان ٶتكٸزەمٸز. كەيدە كٷنٸنە 8 ادام, كەيدە 30 ادامعا دەيٸن تەكسەرٸلەدٸ», - دەيدٸ عاليوللا نۋرۋللين قازاقپارات تٸلشٸسٸنە تەلەفون ارقىلى بەرگەن سۇحباتىندا.
التىنكٶل ستانتسيياسىندا جۇمىس كٷندٸز-تٷنٸ توقتامايدى.
تەۋلٸكتٸك سانيتارلىق-ەپيدەميولوگييالىق تەكسەرٸس كٷشەيتٸلگەن. بارلىق بريگادا جۇمىس رەجٸمٸن قاتايتىپ, تٸپتٸ قوسىمشا كٶمەك رەتٸندە ٸسساپارمەن كەلٸپ, جۇمىس ٸستەپ جاتقاندار بار.
