اتىراۋ وبلىسىندا كوروناۆيرۋس ينفەكتسيياسىنان بٸر تەۋلٸكتە 112 ناۋقاس ساۋىعىپ, 74 ادام ٸندەت جۇقتىردى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ اقپاراتىنا قاراعاندا, ٶتكەن تەۋلٸكتە كوروناۆيرۋس ينفەكتسيياسىنان 112 ناۋقاس ەمدەلٸپ شىققان.
«قازٸر 249 ادام ٷي جاعدايىندا ەمدەلۋدە. وبلىستىق ينفەكتسييالىق ستاتسيوناردا – 78, ال, اۋداندارداعى ستاتسيونارلاردا 13 پاتسيەنت جاتىر. ال, تەڭٸز كەنٸشٸندەگٸ ينفەكتسييالىق ستاتسيوناردا 321 ادام ەم قابىلداۋدا» - دەپ حابارلادى باسقارمانىڭ باسپاسٶز قىزمەتٸنەن.
سونداي-اق, ٶتكەن تەۋلٸكتە اتىراۋ وبلىسىندا 74 ادامنان كوروناۆيرۋس ينفەكتسيياسىنىڭ بەلگٸسٸ انىقتالعان. ناۋقاستاردىڭ بەسەۋٸ اتىراۋ قالاسىنان تٸركەلگەن. تەڭٸز كەنٸشٸندەگٸ 65 جۇمىسشىدان, يندەردە اۋدانىندا - 1, قۇرمانعازى اۋدانىندا 3 ادامنان سovid-19 بەلگٸسٸ تابىلعان. سەگٸز ناۋقاستا قاۋٸپتٸ ٸندەت سيمپتومدى تٷردە ٶتٸپ جاتىر.
بٷگٸن ٶڭٸردەگٸ 1225 ورىندىق ينفەكتسييالىق ستاتسيوناردىڭ 412 تٶسەك-ورنىندا ناۋقاس ەم الىپ جاتىر.
