24 سەۋٸردە تاڭعى ساعات 8:30-دا قازاقستاننىڭ دەنساۋلىق ساقتاۋ مينيسترلٸگٸ شىمكەنت قالاسىندا كوروناۆيرۋستان بٸر ناۋقاستىڭ كٶز جۇمعانىن حابارلادى. ناۋقاس - 1968 جىلى تۋعان ەر ادام.
شىمكەنت قالالىق دەنساۋلىق ساقتاۋ باسقارماسى ٶكٸلدەرٸنٸڭ حابارلاۋىنشا, ول اباي اۋدانىندا تۇرعان. 20 سەۋٸردە قالالىق ينفەكتسييالىق اۋرۋحاناسىنىڭ رەانيماتسييا بٶلٸمٸنە جاتقىزىلعان.
اۋرۋحاناعا تٷسكەن سەتتە جاعدايى اۋىر بولعاندىقتان, جاساندى تىنىس الۋ اپپاراتىنا قوسىلعان. دەرٸگەرلەردٸڭ ايتۋىنشا, ناۋقاس دياگنوزىندا كوروناۆيرۋستان بٶلەك "ديلاتاتسييالىق كارديوميوپاتييا, جٷرەكشە فيبريللياتسيياسى, ارتەرييالىق گيپەرتەنزييا, سوزىلمالى جٷرەك اۋرى, قانت ديابەتٸ" بولعان.
"حاتتاماعا سەيكەس, بارلىق قاجەتتٸ ەم-دوم جاسالدى, رەسپۋبليكالىق ماماندارمەن بٸرنەشە رەت كەڭەس ٶتتٸ. رەانيماتسييا شارالارىنا قاراماستان 23 سەۋٸردە ساعات 20:30-دا ناۋقاس قايتىس بولدى" دەلٸنگەن رەسمي حابارلامادا.
شىمكەنت قالاسىندا تٶرت ادام ۆيرۋستان قايتىس بولعان. قالادا ۆيرۋس جۇقتىرعاندار 139 ادام بولدى. 18 ادام جازىلعان.
ميلليوننان استام تۇرعىنى بار قالا رەسپۋبليكا بويىنشا ناۋقاستار سانى جاعىنان تٶرتٸنشٸ ورىندا تۇر.
قازاقستاندا كوروناۆيرۋستان بارلىعى 21 ناۋقاس قايتىس بولعان. دەرٸگەرلەردٸڭ ايتۋىنشا, ولاردىڭ باسىم بٶلٸگٸندە سوزىلمالى اۋرۋلار بولعان.
