COVID-19-بەن كٷرەسكە تارتىلعان 4 921 مەديتسينا قىزمەتكەرٸ كوروناۆيرۋس ينفەكتسيياسىن نەمەسە ۆيرۋستىق پنەۆمونييانى جۇقتىرعان جاعدايدا مەملەكەتتٸك ەلەۋمەتتٸك ساقتاندىرۋ قورىنان (بۇدان ەرٸ – مەسق) بەرٸلەتٸن بٸرجولعى ەلەۋمەتتٸك تٶلەمدٸ الدى. سونداي-اق, مەسق اۋرۋدىڭ سالدارىنان قايتىس بولعان 49 مەديتسينا قىزمەتكەرٸنٸڭ تۋىستارىنا تٶلەمدەر اۋداردى, دەپ حابارلايدى "ۇلت اقپارات" قر ەڭبەك جەنە حالىقتى ەلەۋمەتتٸك قورعاۋ مٸنيسترلٸگٸنٸڭ باسپاسٶز قىزمەتٸنە سٸلتەمە جاساپ.
بۇدان بۇرىن حابارلانعانداي, جوعارىدا اتالعان تٶلەم تٶلەنەتٸن مەديتسينا قىزمەتكەرلەرٸن ٶڭٸرلەردٸڭ جەنە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسييالار اۋىرعان مەديتسينا قىزمەتكەرلەرٸن تەكسەرۋ نەتيجەلەرٸ نەگٸزٸندە انىقتايدى. ٶتٸنٸمدەردٸ جيناقتاۋدى قر دەنساۋلىق ساقتاۋ مينيسترلٸگٸ جٷزەگە اسىرادى, ودان كەيٸن ٶتٸنٸمدەر ەلەكتروندىق ٸس ماكەتتەرٸن قالىپتاستىرۋ ٷشٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق-قا بەرٸلٸپ, ارتىنشا تٶلەم تاعايىنداۋ ٷشٸن مەسق-عا جٸبەرٸلەدٸ.
9 قازان ساعات 9.00-دەگٸ جاعداي بويىنشا مەسق COVID-19 نەمەسە ۆيرۋستىق پنەۆمونييا جۇقتىرعان 4 921 مەديتسينا قىزمەتكەرٸنٸڭ ٶتٸنٸشٸنە وراي جەنە اۋرۋدىڭ سالدارىنان قايتىس بولعان 49 مەديتسينا قىزمەتكەرٸنە قاتىستى اقشالاي قاراجاتتى تاعايىنداۋ مەن تٶلەۋدٸ جٷزەگە اسىردى.
ٶڭٸرلەر بٶلٸنٸسٸندە مەديتسينا قىزمەتكەرلەرٸنە COVID-19 نەمەسە ۆيرۋستىق پنەۆمونييانى جۇقتىرۋ جاعدايىنا تٶلەمدەردٸڭ ەڭ كٶپ سانى نۇر-سۇلتان (945) جەنە الماتى (544) قالالارى جەنە شىعىس قازاقستان (446), اتىراۋ (410) جەنە قاراعاندى (409) وبلىستارى بويىنشا جٷرگٸزٸلدٸ.
ەستەرٸڭٸزگە سالا كەتەيٸك, قر ەڭبەك جەنە حالىقتى ەلەۋمەتتٸك قورعاۋ مينيسترٸ مەن قر دەنساۋلىق ساقتاۋ مينيسترٸنٸڭ 9 سەۋٸردەگٸ «دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسيياسىنا قارسى كٷرەس جٶنٸندەگٸ ەپيدەميياعا قارسى ٸس-شارالارعا تارتىلعان قىزمەتكەرلەرٸ اتالعان ينفەكتسييانى جۇقتىرعان نەمەسە ودان قايتىس بولعان جاعدايدا ولارعا بٸرجولعى ەلەۋمەتتٸك تٶلەمدٸ جٷزەگە اسىرۋ قاعيدالارىن بەكٸتۋ تۋرالى» بٸرلەسكەن بۇيرىعىنا اعىمداعى جىلدىڭ 22 شٸلدەسٸندە ەنگٸزٸلگەن ٶزگەرٸستەرگە سەيكەس, جوعارىدا كٶرسەتٸلگەن تٶلەم:
– كوروناۆيرۋستىق ينفەكتسييا نەمەسە ۆيرۋستىق پنەۆمونييا جۇقتىرعان مەديتسينا قىزمەتكەرلەرٸنە – 2 ملن تەڭگە;
– COVID-19 كوروناۆيرۋستىق ينفەكتسيياسىن جۇقتىرعاننان, ۆيرۋستىق پنەۆمونييامەن اۋىرىپ قايتىس بولعان جاعدايدا ولاردىڭ وتباسىنا – 10 ملن تەڭگە كٶلەمٸندە تٶلەنەدٸ.
