ورالدا كوروناۆيرۋس جۇقتىرعان ادام تۇرعان ٷيدەن كارانتين الىندى, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, ناۋقاس تۇرعان ٷيدەن 8 ادام كارانتينگە جاتقىزىلىپ, 42-سٸ ٷيدە وقشاۋلانعان ەدٸ.
ناۋقاسپەن تٸكەلەي قارىم-قاتىناستا بولعان سەگٸز ادامعا قاتىستى كوروناۆيرۋستىڭ بار-جوعىن انىقتايتىن تەست تەرٸس نەتيجە كٶرسەتكەندٸكتەن, بٷگٸن ٷيدەن كارانتيندٸ الۋ جٶنٸندە شەشٸم قابىلداندى.
«اتالعان كٶپپەتەرلٸ تۇرعىن ٷيدٸڭ بارلىق كٸرەبەرٸسٸنە دەزينفەكتسييا جٷرگٸزٸلدٸ.دەگەنمەن تۇرعىندار سانيتارلىق تالاپتار مەن جەكە باس گيگيەنالارىن ساقتاۋعا مٸندەتتٸ», دەدٸ ن.مۇستاەۆ.
ال كوروناۆيرۋس جۇقتىرعان ەكٸنشٸ ەيەل تۇرعان اقسايداعى كٶپ پەتەرلٸ ٷي ەلٸ دە كارانتيندە. وندا التى ادام ٷيدە وقشاۋلانۋدا.
«قازٸرگٸ كەزدە ناۋقاستاردىڭ ەكەۋٸ دە وبلىستىق جۇقپالى اۋرۋلار اۋرۋحاناسىندا, جاعدايلارى قالىپتى. وبلىستا بارلىعى 93 ادام كارانتيندە جاتىر. وعان قوسا 792 ادام ٷيلەرٸندە وقشاۋلانعان», دەدٸ قازاقپارات تٸلشٸسٸنە نۇرلىبەك مۇستاەۆ.
ەسكە سالا كەتەيٸك, بۇدان بۇرىن بقو-دا كارانتيننەن قاشقان ادامعا ايىپپۇل سالىنىپ, شەكتەۋ شارالارى كٷشەيتٸلگەنٸن جازعان بولاتىنبىز.
