نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ورتالىق كوممۋنيكاتسييالار قىزمەتٸندە ٶتكەن ونلاين بريفينگ بارىسىندا قالاداعى ەپيدەميولوگييالىق احۋال تۋرالى ايتتى, دەپ حابارلايدى "ۇلت اقپارات".
باسقارما باسشىسىنىڭ سٶزٸنشە, ەلوردادا ەپيدەميولوگييالىق جاعداي تۇراقسىز.
قالا ينفەكتسييا جۇقتىرۋ بويىنشا ەلٸ دە «قىزىل ايماقتا». ورتا ەسەپپەن كۆي-مەن كٷندەلٸكتٸ 430 جاڭا جاعداي تٸركەلٸپ وتىر. ول بىلتىرعى شٸلدە ايىنا قاراعاندا كٶبٸرەك.
«ەلوردادا كوروناۆيرۋسپەن اۋىراتىنداردى ەمدەۋ ٷشٸن 14 اۋرۋحانا تارتىلدى. اتالعان اۋرۋحانالاردا 1 889 تٶسەك-ورىن بار. بٷگٸنگٸ كٷنٸ 985 ناۋقاس اۋرۋحانالاردا ەم قابىلداپ جاتىر. ونىڭ ٸشٸندە كوروناۆيرۋس 901 ادامدا راستالعان جەنە 84 ادام پنەۆمونييامەن ەم قابىلداۋدا. جانساقتاۋ بٶلٸمٸندە 95 ادام, ونىڭ 21 جاساندى ٶكپە جەلدەتۋ اپپاراتىندا جاتىر. سونىمەن قاتار 4 مىڭعا جۋىق ادام ٷيدە امبۋلاتورلى ەم قابىلداۋدا, - دەيدٸ تيمۋر مۇراتوۆ.
