ەلوردادا نۇرسۇلتان نازارباەۆ اتىنداعى ەۋەجايعا كەلگەن 600-گە جۋىق جولاۋشى وقشاۋلاندى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتىپ بەردٸ, دەپ حابارلايدى قازاقپارات.
«تج رەجيمٸنٸڭ ەنگٸزٸلۋٸنە بايلانىستى, نۇر-سۇلتان قالاسىنداعى نۇرسۇلتان نازارباەۆ اتىنداعى ەۋەجايعا كەلەتٸن بارلىق جولاۋشىلاردى وقشاۋلاۋ تۋرالى شەشٸم قابىلداندى.
22 ناۋرىزدا 6 رەيس ارقىلى - دۋباي, توكيو, مينسك, مەسكەۋ, لوندون, ىستانبۇل قالالارىنان 596 جولاۋشى كەلدٸ. ونىڭ 577-سٸ نەمەسە 97 پايىزى كوروناۆيرۋستىق ينفەكتسيياعا زەرتحانالىق تەكسەرۋ جٷرگٸزۋ ٷشٸن كارانتيندٸك ستاتسيونارعا جاتقىزىلدى», - دەدٸ باسقارما باسشىسى «حابار 24» تەلەارناسىندا ٶتكەن بريفينگتە.
تالداۋ نەتيجەسٸ بويىنشا ولاردى ٷي كارانتينٸنە جٸبەرۋ نەمەسە ينفەكتسييا انىقتالعان جاعدايدا ينفەكتسييالىق ستاتسيونارعا جاتقىزۋ تۋرالى شەشٸم قابىلدانادى.
«ەپيدەميولوگييالىق جاعدايى قولايسىز 1ا ساناتىنداعى ەلدەردەن كەلگەن 12 جولاۋشى ەۋەجايدان دەرەۋ پروۆيزورلىق ستاتسيونارعا جٸبەرٸلدٸ. وسىلايشا, نۇر-سۇلتان قالاسىنىڭ تۇرعىندارىنا شەت ەلدەردەردەن كەلگەن جولاۋشىلاردىڭ تەكسەرۋسٸز قالا اۋماعىنا كٸرمەيتٸنٸن ايتقىمىز كەلەدٸ», - دەدٸ س. قيسىقوۆا.
ايتا كەتەيٸك, قازاقستان رەسپۋبليكاسى اۋماعىندا كوروناۆيرۋس ينفەكتسيياسىن جۇقتىرعان جالپى 56 ناۋقاس تٸركەلدٸ. نۇرسۇلتان قالاسىندا 31 ادامدا كورونوۆيرۋس ينفەكتسيياسى انىقتالدى. الماتى قالاسىندا - 22 ادام, قاراعاندى قالاسىندا - 2, الماتى وبلىسىندا 1 ادام.
