ەلوردادا كوروناۆيرۋس جۇقتىرعان ناۋقاستىڭ ەڭ كٸشٸسٸ - 14, ال ٷلكەنٸ 59 جاستا. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتتى, دەپ حابارلايدى قازاقپارات.
«كوروناۆيرۋس جۇقتىرعان ەلورداداعى 18 ادام دا قازاقستان ازاماتتارى. ەڭ كٸشٸسٸ - 14 جاستا, ەكٸ ادامنىڭ جاسى 59-دا. جالپى, ۆيرۋس جۇقتىرعانداردىڭ 70 پايىزى 30 بەن 49 جاس ارالىعىنداعى ازاماتتار. بارلىعىنىڭ جاعدايى جاقسى, دەنە قىزۋلارى قالىپتى. قاجەتتٸ ەمدەۋ شارالارى جاسالىپ, مەديتسينالىق كٶمەك كٶرسەتٸلٸپ جاتىر», - دەدٸ ول باق ٶكٸلدەرٸنٸڭ ساۋالىنا وراي.
سونىمەن قاتار باسقارما باسشىسى كوروناۆيرۋس جۇقتىرعان ادامداردى ەمدەپ جاتقان مەديتسينا قىزمەتكەرلەرٸ ٷيلەرٸنە بارمايتىندىعىن اتاپ ٶتتٸ.
«ينفەكتسييا انىقتالعان اۋرۋلار جاتقان مەكەمەدەگٸ 60-تان استام دەرٸگەر مەن مەيٸربيكەلەر سول جەردەن شىقپايدى. عيماراتتىڭ بٸر بٶلٸگٸندە ولارعا جاعداي جاسالعان. جۇمىس ۋاقىتى بٸتكەن سوڭ سول جەردە دەمالىپ, تاماقتانادى. سودان كەيٸن كەلەسٸ اۋىسىمعا جۇمىسقا تٷسەدٸ. بۇل ٸندەتكە بايلانىستى قولعا العان شارامىز», - دەدٸ سەۋلە قيسىقوۆا.
