19 قاڭتاردا كوروناۆيرۋس ينفەكتسيياسىنىڭ تارالۋ دەڭگەيٸ جاعىنان «قىزىل» ايماققا سولتٷستٸك قازاقستان وبلىسى كٸردٸ, دەپ حابارلايدى «ۇلت اقپارات».
«دەنساۋلىق ساقتاۋ مينيسترلٸگٸ ەلدەگٸ ەپيدەميولوگييالىق احۋالعا كٷن سايىن تالداۋ جٷرگٸزٸپ وتىر. جىل باستالعالى «سارى» ايماقتان «قىزىل» ايماققا ٷش ٶڭٸر, قوستاناي, پاۆلودار وبلىستارى مەن نۇر-سۇلتان قالاسى ٶتتٸ.
«جاسىل» ايماقتان «سارى» ايماققا الماتى مەن قاراعاندى وبلىستارى كٸردٸ. وسىلايشا, 19 قاڭتارداعى جاعداي بويىنشا «قىزىل» ايماقتا 6 ٶڭٸر تۇر. ولار: اقمولا, پاۆلودار, اتىراۋ, قوستاناي, سولتٷستٸك قازاقستان وبلىستارى مەن نۇر-سۇلتان قالاسى. «سارى» ايماقتا ٷش ٶڭٸر بار: بقو, الماتى مەن قاراعاندى وبلىستارى. قالعان 8 ٶڭٸر «جاسىل» ايماقتا», - دەدٸ دەنساۋلىق ساقتاۋ مينيسترٸ الەكسەي تسوي ٷكٸمەت وتىرىسىندا.
ەسكە سالا كەتسەك كەشە, ياعني 18 قاڭتاردا قازاقستاننىڭ 4 وبلىسى مەن 1 قالاسى, اتاپ ايتقاندا, اقمولا, قوستاناي, پاۆلودار, اتىراۋ وبلىسى مەن نۇر-سۇلتان قالاسى «قىزىل» ايماقتا بولعان ەدٸ.
