قىتايدا ٶتەتٸن توكيو وليمپياداسىنا جولداما ساراپقا سالىناتىن تاعى بٸر دودا باسقا ەلگە اۋىستىرىلدى, دەپ حابارلايدى "ۇلت اقپارات".
قىتاي تاەكۆوندو وداعى كوروناۆيرۋستىڭ تارالۋىنا بايلانىستى 10-12 سەۋٸر كٷندەرٸ ۋسي قالاسىندا ٶتەتٸن ليتسەنزييالىق تۋرنيردٸ كەيٸنگە شەگەرگەن.
الايدا حالىقارالىق تاەكۆوندو فەدەراتسيياسى قىتايدىڭ ۋسي قالاسىندا ٶتەتٸن ليتسەنزييالىق تۋرنيردٸ باسقا ەلدە ٶتكٸزۋگە شەشٸم قابىلداعان.
اتالعان جارىستى ٶتكٸزۋگە بٸرقانشا قالا ٷمٸتكەر بولىپ, نەتيجەسٸندە ەلەكتروندى داۋىس بەرۋ قورىتىندىسى بويىنشا يوردانييانىڭ اممان قالاسى قۇرلىقتىق ٸرٸكتەۋ تۋرنيرٸن قابىلدايتىن قالا بولىپ قابىلداندى.
حالىقارالىق تاەكۆوندو فەدەراتسيياسى حابارلاعانداي, ٸرٸكتەۋ تۋرنيرٸنٸڭ ٶتەتٸن ورنى ٶزگەرگەنٸمەن ۋاقىتى بۇرىنعىداي 10-12 سەۋٸر كٷندەرٸ بولىپ قالا بەرمەك.
ەستەرٸڭٸزگە سالا كەتەيٸك, وسىعان دەيٸن حالىقارالىق وليمپيادا كوميتەتٸنٸڭ جۇمىس توبى بوكستان 2020 جىلعى توكيو وليمپياداسىنا ازييا/وكەانييا ايماقتىق ٸرٸكتەۋ تۋرنيرٸن قىتايدىڭ ۋحان قالاسىنان اممان قالاسىنا اۋىستىرعانىن حابارلاعان بولاتىنبىز.
