كوروناۆيرۋسقا قارسى وتاندىق ۆاكتسينا جەلتوقساندا كلينيكالىق سىناقتىڭ ەكٸنشٸ ساتىسىنان ٶتەدٸ. بۇل تۋرالى دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«كوروناۆيرۋسقا قارسى ۆاكتسينانى جاساۋ جۇمىستارى قارقىندى جٷرگٸزٸلۋدە. بٸز بۇل باعىتتا رەسۋرستارىمىزدى بارىنشا پايدالانىپ, نارىقتا قولجەتٸمدٸ ۆاكتسينا جاساۋعا ۇمتىلۋدامىز. تٸركەلگەنٸن جارييالاعان العاشقى ۆاكتسينا – رەسەيلٸك ۆاكتسينا بولدى. مەملەكەت باسشىسى قازاقستاندا وسىنداي زاۋىتتى سالىپ, ٶندٸرٸستٸك قۋاتتىلىقتى جولعا قويۋ تاپسىرماسىن جٷكتەگەن بولاتىن. بۇل - ٶتە ماڭىزدى شارۋا. سەبەبٸ حالىقتىڭ ۆاكتسيناعا قولجەتٸمدٸلٸگٸن جولعا قويۋۋىمىز كەرەك. زاۋىت سالىناتىن الاڭ ايقىندالۋدا. زاۋىت قازٸرگٸ فارماتسەۆتيكالىق زاۋىتتاردىڭ جانىنداعى الاڭداردا سالىنۋى مٷمكٸن. قازٸر بۇل مەسەلەنٸ رەسەيلٸك ەرٸپتەستەرمەن تالقىلاۋ ٷستٸندەمٸز», - دەدٸ الەكسەي تسوي ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
مينيستردٸڭ ايتۋىنشا رەسەيلٸك ۆاكتسينا سىناقتىڭ ٷشٸنشٸ ساتىسىندا تۇر.
«رەسەيلٸك ەرٸپتەستەرٸمٸز ۆاكتسينا سىناعىنىڭ قورىتىندىسىن تاياۋدا جارييالاۋعا ۋەدە بەرٸپ وتىر. بۇل ۆاكتسينانىڭ العاشقى جەنە ەكٸنشٸ فازاسى وڭ نەتيجەسٸن كٶرسەتكەن. قازٸرگٸ ۋاقىتتا – رەسەيلٸك ۆاكتسينانى ەلەۋەتتٸ ۆاكتسينانىڭ بٸرٸ رەتٸندە كٶرٸپ وتىرمىز», - دەدٸ ول.
الەكسەي تسوي ەيتسە دە ٷلكەن ٷمٸت – قازاقستاندىق ۆاكتسيناعا ارتىلىپ وتىرعانىن ايتادى. وتاندىق ۆاكتسينا وسى جىلدىڭ جەلتوقسانىندا كلينيكالىق سىناقتىڭ ەكٸنشٸ ساتىسىنان ٶتەدٸ. قازاقستاندىق ۆاكتسينا زاۋىتى سالىنىپ جاتىر.
مينيستر سونىمەن قاتار قىتايلىق, امەريكالىق ۆاكتسينالاردى دا باقىلانىپ, زەرتتەلٸپ جاتقانىن ايتادى. بٸراق بۇل ەلدەردٸڭ ۆاكتسينالارى ٶز ەلدەرٸندە رەسمي تٷردە تٸركەلمەگەن.
