قر دەنساۋلىق ساقتاۋ مينيسترٸنٸڭ بٸرٸنشٸ ورىنباسارى مارات شورانوۆ ازييا دامۋ بانكٸنٸڭ باسشىلىعىمەن ۆاكتسينوپروفيلاكتيكا بويىنشا سەرٸكتەستٸك ورناتۋ مەسەلەسٸن تالقىلادى, دەپ حابارلايدى "ۇلت اقپارات".
مينيسترلٸكتەن مەلٸم ەتكەندەي, م.شورانوۆ قازاقستانداعى ازييا دامۋ بانكٸنٸڭ تۇراقتى ٶكٸلدٸگٸنٸڭ ديرەكتورى ناريمان مانناپبەكوۆپەن جەنە ورتالىق جەنە باتىس ازييا ەلدەرٸ بويىنشا ازييا دامۋ بانكٸنٸڭ ٶكٸلدەرٸمەن كەزدەستٸ.
م.شورانوۆ قازاقستاندا COVID-19 تارالۋىنىڭ الدىن الۋ بويىنشا جٷرگٸزٸلٸپ جاتقان جۇمىستار, سونىڭ ٸشٸندە ۆاكتسينوپروفيلاكتيكا مەسەلەلەرٸ تۋرالى حاباردار ەتتٸ. سونداي-اق ول ادب-عا دەنساۋلىق ساقتاۋ جوبالارى بويىنشا تيٸمدٸ ۇزاق مەرزٸمدٸ ىنتىماقتاستىق ٷشٸن العىس بٸلدٸردٸ. ادب وسى ىنتىماقتاستىق اياسىندا جەنە كوروناۆيرۋسپەن كٷرەس ماقساتىندا از قامتىلعان وتباسىلاردى قۇرامىندا دەرٸ-دەرمەك پەن قورعاۋدىڭ باستاپقى مەديتسينالىق قۇرالدارى بار قوبديشالارمەن قامتاماسىز ەتۋگە گرانتتىق كٶمەك كٶرسەتكەن.
«1 اقپاننان قازاقستان رەسپۋبليكاسىندا حالىقتى جاپپاي كوروناۆيرۋس ينفەكتسيياسىنا قارسى ۆاكتسيناتسييا باستالدى. بٸرٸنشٸ كەزەكتە ول ينفەكتسييالىق ستاتسيونارلاردىڭ, جەدەل مەديتسينالىق جەردەمنٸڭ, سونداي-اق باسقا دا مەديتسينا قىزمەتكەرلەرٸن قامتيدى. كەيٸن ۆاكتسينا كٶلەمٸنٸڭ جەتكٸلٸكتٸلٸگٸنە قاراي ۆاكتسينالاناتىن كونتينگەنتتٸ ودان ەرٸ كەڭەيتە وتىرىپ, قاتارعا پەداگوگ, كٷش قۇرىلىمدارىنىڭ قىزمەتكەرلەرٸ قوسىلاتىن بولادى. بٷگٸندە حالىقتى كوروناۆيرۋستان قورعاۋ, ياعني كۆي بويىنشا قالىپتاسقان جاعدايدى جەڭۋگە جەنە كارانتينسٸز ەدەتتەگٸ ٶمٸرگە ورالۋ ٷشٸن ۆاكتسيناتسييامەن قامتۋ ٶتە ماڭىزدى», - دەدٸ شورانوۆ.
ٶز كەزەگٸندە ن.مانناپبەكوۆ ادب-نىڭ قازاقستانداعى ٶكٸلدٸگٸنٸڭ قازٸرگٸ قىزمەتٸ تۋرالى بٶلٸستٸ. كەزدەسۋ بارىسىندا ادب قىزمەتكەرلەرٸ ۆاكتسيناعا قول جەتكٸزۋگە جەردەمدەسۋدٸڭ ازييا-تىنىق مۇحيتى تەتٸگٸن (Asia Pacific Vaccine access Facility, APVAX) تانىستىردى.
APVAX دامۋشى مٷشە ەلدەرگە COVID-19 ۆاكتسينالارىن ساتىپ الۋعا جەنە جەتكٸزۋگە قولداۋ كٶرسەتەتٸن رەسۋرستار پاكەتٸ مەن مەحانيزمدٸ ۇسىنادى جەنە 2 كومپونەنتتەن تۇرادى: جەدەل ەرەكەت ەتۋ كومپونەنتٸ جەنە ينۆەستيتسييالىق كومپونەنت.
ۆاكتسينامەن الدىن الۋ مەسەلەلەرٸ بويىنشا شەتەلدٸك سەرٸكتەستەردٸ ىنتىماقتاستىققا تارتۋ بويىنشا جٷرگٸزٸلٸپ جاتقان جۇمىستىڭ ماڭىزدىلىعىن ەسكەرە وتىرىپ تاراپتار قازاقستان رەسپۋبليكاسىنىڭ اتالعان APVAX تەتٸگٸنە قاتىسۋ مٷمكٸندٸگٸن قاراستىرۋعا كەلٸستٸ.
