ورالدا سانيتارلىق تالاپ ساقتالماعاندىقتان, ورتالىق ساياباق 4 ماۋسىمنان باستاپ جابىلادى, دەپ حابارلايدى "ۇلت اقپارات".
ورال قالاسى ەكٸمٸنٸڭ باسپاسٶز قىزمەتٸنەن مەلٸم ەتكەنٸندەي, مونيتورينگ توبى 3 ماۋسىم كٷنٸ جٷرگٸزگەن رەيد نەتيجەسٸندە تۇرعىنداردىڭ دەنساۋلىعىن ساقتاۋ ماقساتىندا قالالىق مەدەنيەت جەنە دەمالىس ساياباعىن ۋاقىتشا جابۋ جٶنٸندە شەشٸم قابىلداندى.
شاھار باسشىسى ابات شىنىبەكوۆ پەن ورال قالالىق مەملەكەتتٸك باس سانيتار دەرٸگەرٸ مەدەنيەت تاناۋوۆ 31 مامىر كٷنٸ ساياباق ارەنداتورلارىمەن كەزدەسۋ ٶتكٸزگەن بولاتىن. وندا كارانتين جاعدايىندا سانيتارلىق تالاپتاردى قاتاڭ ساقتاۋ قاجەتتٸگٸ ايتىلىپ, ورىندالماعان جاعدايدا ادامداردىڭ قاۋٸپسٸزدٸگٸ ٷشٸن ساياباقتى جاۋىپ تاستاۋ مٷمكٸن ەكەندٸگٸ ەسكەرتٸلدٸ.
الايدا رەيد كەزٸندە ساياباقتا جۇمىس ٸستەيتٸن ارەنداتورلاردىڭ تيٸستٸ سانيتارلىق تالاپتاردى ساقتاماعانى, مەديتسينالىق بەتپەردە تاقپاعانى جەنە كەسٸپكەرلٸك نىسانىندا دەزينفەكتسييالىق جۇمىستىڭ جٷرگٸزٸلمەگەنٸ انىقتالدى. بۇعان ايعاق رەتٸندە مونيتورينگ توبىندا فوتو-ۆيدەو تٸركەلگەن.
سونىمەن قاتار ساياباققا كەلۋشٸلەر دە سانيتارلىق تالاپتاردى ساقتاماعان.
وسىلايشا 15 مامىردان باستاپ اشىلىپ, ساعات 09.00-دەن 21.00-گە دەيٸن جۇمىس ٸستەگەن ورتالىق ساياباق قايتا جابىلدى.
سوڭعى مەلٸمەتتەرگە سەيكەس, بقو-دا بٷگٸنگە دەيٸن كوروناۆيرۋستىڭ راستالعان 732 جاعدايى تٸركەلدٸ. ونىڭ ٸشٸندە جازىلدى – 327, قايتىس بولدى – 1 ناۋقاس.
