Oralda sanitarlyq talap saqtalmaǵandyqtan, ortalyq saiabaq 4 maýsymnan bastap jabylady, dep habarlaidy "Ult aqparat".
Oral qalasy ákiminiń baspasóz qyzmetinen málim etkenindei, monitoring toby 3 maýsym kúni júrgizgen reid nátijesinde turǵyndardyń densaýlyǵyn saqtaý maqsatynda qalalyq mádeniet jáne demalys saiabaǵyn ýaqytsha jabý jóninde sheshim qabyldandy.
Shahar basshysy Abat Shynybekov pen Oral qalalyq memlekettik bas sanitar dárigeri Mádeniet Tanaýov 31 mamyr kúni saiabaq arendatorlarymen kezdesý ótkizgen bolatyn. Onda karantin jaǵdaiynda sanitarlyq talaptardy qatań saqtaý qajettigi aitylyp, oryndalmaǵan jaǵdaida adamdardyń qaýipsizdigi úshin saiabaqty jaýyp tastaý múmkin ekendigi eskertildi.
Alaida reid kezinde saiabaqta jumys isteitin arendatorlardyń tiisti sanitarlyq talaptardy saqtamaǵany, meditsinalyq betperde taqpaǵany jáne kásipkerlik nysanynda dezinfektsiialyq jumystyń júrgizilmegeni anyqtaldy. Buǵan aiǵaq retinde monitoring tobynda foto-video tirkelgen.
Sonymen qatar saiabaqqa kelýshiler de sanitarlyq talaptardy saqtamaǵan.
Osylaisha 15 mamyrdan bastap ashylyp, saǵat 09.00-den 21.00-ge deiin jumys istegen ortalyq saiabaq qaita jabyldy.
Sońǵy málimetterge sáikes, BQO-da búginge deiin koronavirýstyń rastalǵan 732 jaǵdaiy tirkeldi. Onyń ishinde jazyldy – 327, qaitys boldy – 1 naýqas.
