يتالييانىڭ ازاماتتىق قورعاۋ ۇلتتىق قىزمەتٸنٸڭ باسشىسى اندجەلو بوررەللي ەلدە كوروناۆيرۋس جۇقتىرعانداردىڭ جالپى سانى 10 مىڭ ادامنان استى دەپ مەلٸمدەدٸ, دەپ حابارلايدى ANSA اگەنتتٸگٸ.
بوررەللي كوروناۆيرۋستان كٶز جۇمعاندار سانى 631 ادامعا جەتكەن. بۇل دٷيسەنبٸ كٷنگٸمەن سالىستىرعاندا 168 ادامعا كٶپ.
«8 514 ادام قازٸرگٸ ۋاقىتتا COVID-19 ۆيرۋسىن جۇقتىرعان, 1004 ادام ساۋىعىپ شىققان», دەدٸ ول.
بوررەلليدٸڭ ايتۋىنشا, كوروناۆيرۋس جۇقتىرعان 877 پاتسيەنت جانساقتاۋ بٶلٸمٸندە جاتىر. قايتىس بولعانداردىڭ 45%-ى – 80-89 جاس ارالىعىنداعى ادامدار, 32%-ى – 70 جاس شاماسىنداعى, 14%-ى – 90 جاستان اسقان, 8%-ى – 60 جاستاعى, 2%-ى – 50-59 جاس ارالىعىنداعى ادامدار. ٷكٸمەت ٶتكەن جىلدىڭ سوڭىندا قىتايدىڭ ۋحان قالاسىندا العاش رەت تابىلعان جاڭا ۆيرۋستىڭ تارالۋىن توقتاتۋ ٷشٸن قاتاڭ شارالار قابىلدادى.
يتالييا تۇرعىندارىنا قاجەتسٸز ساپارلاردان باس تارتۋعا جەنە شۇعىل قاجەتتٸلٸك بولماسا, مٷمكٸندٸگٸنشە ٷيلەرٸنەن شىقپاۋعا كەڭەس بەرٸلەدٸ.
سونداي-اق, بوررەلي وپپوزيتسييالىق ليگانىڭ كٶشباسشىسى ماتتەو سالۆينيدٸڭ «بارلىعىن جابۋ» تۋرالى ٷندەۋٸنەن كەيٸن شارالاردى قاتايتۋ مٷمكٸندٸگٸن جوققا شىعارمادى.
«مەنٸڭ ويىمشا, بۇل مەسەلە تولىعىمەن قاراستىرىلىپ, زەرتتەلۋٸ كەرەك», - دەدٸ بوررەللي باسپاسٶز مەسليحاتىندا.
ەسكە سالا كەتەيٸك, يتالييادا كوروناۆيرۋستان كٶز جۇمعان العاشقى جاعداي 21 اقپاندا تٸركەلگەن بولاتىن.
