گرۋزييا كوروناۆيرۋس جۇقتىرۋ جاعدايى ٶسٸپ جاتقاندىقتان بٷگٸننەن باستاپ جاڭا شەكتەۋلەر ەنگٸزەدٸ. وعان سەيكەس, ٷش اپتا بويى ەلدە قالالىق كٶلٸكتەر توقتايدى, دەمحانا مەن مەيرامحانالاردىڭ جۇمىس ساعاتى قىسقارادى, سونداي-اق فەستيۆالدەرگە تىيىم سالىنادى. بۇل تۋرالى «نوۆوستي – گرۋزييا» پورتالى حابارلادى.
14 تامىزدان 4 قىركٷيەككە دەيٸن گرۋزييادا قالالىق قوعامدىق كٶلٸكتەر (قالاارالىق كٶلٸكتەردەن باسقا) قوزعالىسىنا شەكتەۋ قويىلدى, فەستيۆالدەر, ويىن-ساۋىق شارالارى, كونتسەرتتەر مەن سپورتتىق جارىستارعا (حالىقارالىق جارىستاردان باسقا) تىيىم سالىندى. بالالار ويىن-ساۋىق ورتالىقتارىنىڭ جۇمىسىنا شەكتەۋ قويىلدى, تاماقتانۋ نىساندارى 23:00-گە دەيٸن جۇمىس ٸستەيدٸ, توي, جانازا جەنە باسقا دا شارالار ٶتكٸزۋگە بولمايدى, باقىلاۋ كٷشەيتٸلەدٸ.
مەملەكەتتٸك ۆەدومستۆولار مەن جەكە كومپانييالارعا ٶز قىزمەتكەرلەرٸن قاشىقتان جۇمىس ٸستەۋگە كٶشٸرۋ تاپسىرىلدى. قالاداعى قوعامدىق كٶلٸكتەرگە شەكتەۋ قويىلعاندىقتان, ۆاكتسينا الاتىن مەكەمەلەرگە تۇراقتى كٶلٸكتەر قاتىناماق.
گرۋزييا كوروناۆيرۋستىڭ تٶرتٸنشٸ تولقىنىن ٶتكەرٸپ جاتىر. كٷن سايىن اۋرۋ جۇقتىرعاندار سانى تٶرت-بەس مىڭ ادامعا ارتۋدا. گرۋزييادا پاندەمييا باستالعالى 471 مىڭ جاعداي تٸركەلدٸ. 415 مىڭنان استامى ەمدەلٸپ شىقسا, 6321 ادام كٶز جۇمدى.
