Grýziia koronavirýs juqtyrý jaǵdaiy ósip jatqandyqtan búginnen bastap jańa shekteýler engizedi. Oǵan sáikes, úsh apta boiy elde qalalyq kólikter toqtaidy, dámhana men meiramhanalardyń jumys saǵaty qysqarady, sondai-aq festivalderge tyiym salynady. Bul týraly «Novosti – Grýziia» portaly habarlady.
14 tamyzdan 4 qyrkúiekke deiin Grýziiada qalalyq qoǵamdyq kólikter (qalaaralyq kólikterden basqa) qozǵalysyna shekteý qoiyldy, festivalder, oiyn-saýyq sharalary, kontsertter men sporttyq jarystarǵa (halyqaralyq jarystardan basqa) tyiym salyndy. Balalar oiyn-saýyq ortalyqtarynyń jumysyna shekteý qoiyldy, tamaqtaný nysandary 23:00-ge deiin jumys isteidi, toi, janaza jáne basqa da sharalar ótkizýge bolmaidy, baqylaý kúsheitiledi.
Memlekettik vedomstvolar men jeke kompaniialarǵa óz qyzmetkerlerin qashyqtan jumys isteýge kóshirý tapsyryldy. Qaladaǵy qoǵamdyq kólikterge shekteý qoiylǵandyqtan, vaktsina alatyn mekemelerge turaqty kólikter qatynamaq.
Grýziia koronavirýstyń tórtinshi tolqynyn ótkerip jatyr. Kún saiyn aýrý juqtyrǵandar sany tórt-bes myń adamǵa artýda. Grýziiada pandemiia bastalǵaly 471 myń jaǵdai tirkeldi. 415 myńnan astamy emdelip shyqsa, 6321 adam kóz jumdy.
