ەۋرووداق ۆيرۋستىڭ ٶرشۋٸنە جەنە ٶلٸم جاعدايلارىنىڭ ارتۋىنا بايلانىستى ۋكراينانى ەلدەردٸڭ «جاسىل» تٸزٸمٸنەن شىعاردى, دەپ حابارلايدى قازاقپارات ۆۆس-گە سٸلتەمە جاساپ.
دجونس حوپكينس ۋنيۆەسيتەتٸنٸڭ مەلٸمەتٸنشە, ەلەمدە پاندەمييا كەزٸندە Covid-19 جۇقتىرۋشىلار سانى 250 ملن ادامنان اسقان, 5 ميلليوننان استام ادام كٶز جۇمعان.
رەسەيدە العاش رەت بٸر تەۋلٸكتە 1,2 مىڭنان استام ٶلٸم جاعدايى تٸركەلگەن.
قازٸر كٶپتەگەن ەل اۋرۋ جۇقتىرۋشىلار سانىنىڭ كٷرت ارتۋىنا الاڭداۋلى. اقش, ۇلىبريتانييا مەن رەسەيدە ەپيداحۋال ٶتە كٷردەلٸ بولىپ وتىر.
وسى ٷشتٸكتەن كەيٸنگٸ قاتاردا تٷركييا, ۋكراينا مەن گەرمانييا تۇر. سەيسەنبٸ كٷنٸ ەۋرووداق ەپيدەميولوگييالىق جاعدايى قولايلى ەلدەردٸڭ «جاسىل» تٸزٸمٸنەن ۋكراينانى شىعارىپ تاستاعانى بەلگٸلٸ بولدى. سوڭعى 28 كٷندە مۇندا جارتى ميلليوننان استام ادام اۋرۋعا شالدىققان, 14,6 مىڭ ادام كٶز جۇمعان. ەلدە پاندەمييا باستالعالى كوروناۆيرۋستان 78 مىڭ ادام قايتىس بولعان.
«جاسىل» تٸزٸمگە ازاماتتارى ٷشٸن ەو بيلٸگٸ مٸندەتتٸ ەمەس (ياعني تۋريستٸك) ساياحاتقا شەكتەۋلەردٸ الىپ تاستاۋدى ۇسىناتىن ەلدەر كٸرەدٸ; ەندٸ مۇنداي ساپارلاردى شەكتەۋ ۇسىنىلادى. الايدا, ەو بيلٸگٸ مەن ۋكراينانىڭ سىرتقى ٸستەر مينيسترلٸگٸ تٷسٸندٸرگەندەي, بۇل ۋكرايندىقتار ەندٸ ەۋروپاعا ۆيزاسىز بارۋ قۇقىعىنان اۆتوماتتى تٷردە ايرىلادى دەگەندٸ بٸلدٸرمەيدٸ. بۇل تۋرالى شەشٸمدٸ ەر ەل جەكە قابىلدايدى, ال ەزٸرگە ەو مەملەكەتتەرٸنٸڭ كٶپشٸلٸگٸ حالىقارالىق دەڭگەيدە تانىلعان پرەپاراتتارمەن تولىق ۆاكتسينالاۋدان ٶتكەن ۋكرايندىقتارعا كٸرۋگە رۇقسات بەرەدٸ.
«ۋكراينا ەو-نىڭ «جاسىل» تٸزٸمٸنەن شىعارىلعاننان كەيٸن ەو شەكارالارىن تولىعىمەن جابۋعا بولمايدى. بۇل ۇسىنىس, ال سوڭعى شەشٸمدٸ ەر ەل جەكە قابىلدايتىن بولادى. ۋكراينانىڭ سٸم ۋكرايندەر ٷشٸن بارىنشا ساياحات ەركٸندٸگٸن ساقتاۋ ٷشٸن سەرٸكتەستەرٸمەن بەلسەندٸ تٷردە جۇمىس ٸستەۋدە», - دەپ جازدى تۆيتتەردە ۋكراينا سٸم باسشىسى دميتريي كۋلەبا.
