ەلەمدە كوروناۆيرۋس پاندەميياسى سالدارىنان قايتىس بولعان ادامداردىڭ سانى 2 ميلليوننان استى. ۇلىبريتانيياعا كٸرۋ ٷشٸن پتر-انىقتاما قاجەت. ال گەرمانييادا N95 ستاندارتىنداعى رەسپيراتورلىق ماسكا كييۋ مٸندەتتەلمەك. كوروناۆيرۋسقا قاتىستى وسى جەنە ٶزگە دە جاڭالىقتار جٶنٸندە ۆۆس اگەنتتٸگٸ حابارلادى.
دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, پاندەمييا باستالعاننان بەرٸ ەلەمدە ۆيرۋسقا شالدىققاندار سانى 93,3 ميلليوننان استى, 2 ميلليوننان استام ادام قايتىس بولدى. بٸرقاتار ەلدە, اتاپ ايتقاندا ەۋروپادا كٷندەلٸكتٸ ٶلٸم-جٸتٸم 1 مىڭنانا جوعارى بولىپ وتىر.
ٸندەتتٸڭ كٷرت ٶسۋٸ سالدارىنان برازيلييانىڭ امازوناس شتاتىنىڭ استاناسى ماناۋس اۋرۋحانالارىندا وتتەگٸ قورى تاۋسىلدى. بٶلٸمشەلەردە بوس تٶسەكتەر, ٶكپەنٸ جاساندى جەلدەتۋ اپپاراتتارى مەن وتتەگٸ ماسكالارى دا قالماعان. دەرٸگەرلەر اۋرۋحانالارعا جەتكٸزٸلٸپ جاتقان جاڭا پاتسيەنتتەرگە كٶمەكتەسە المايتىندارىن مەلٸمدەدٸ.
برازيلييا كوروناۆيرۋس جۇقتىرعانداردىڭ سانى بويىنشا ەلەمدە – ٷشٸنشٸ ورىندا (8,3 ميلليون), قايتىس بولعاندار كٶرسەتكٸشٸمەن ەكٸنشٸ ورىندا (207 مىڭ) تۇر.
ۇلىبريتانييا ەلگە كٸرۋگە تىيىم سالادى
ۇلىبريتانييا پرەمەر-مينيسترٸ بوريس دجونسون 18 قاڭتار كٷنگٸ ساعات 04:00-دەن باستاپ ەلەمنٸڭ بارلىق ەلدەرٸنەن ەركٸن كٸرۋ توقتاتىلاتىنىن مەلٸمدەدٸ. بۇل شەكتەۋ كارانتينگە قاراماستان ەركٸن قاتىناۋ كەلٸسٸمٸ جاسالعان مەملەكەتتەرگە دە قاتىستى بولىپ وتىر.
ياعني ەندٸگٸدە ۇلىبريتانيياعا كەلەتٸندەردٸڭ بارلىعى ەلگە ۇشىپ-شىقپاس بۇرىن كوروناۆيرۋسقا تەست تاپسىرۋى قاجەت. سونداي-اق ۇلىبريتانييا اۋماعىنا كەلگەننەن كەيٸن 10 كٷن وقشاۋلانۋدا بولادى نەمەسە 5 كٷندٸك وقشاۋلاۋدان سوڭ قايتا تەست تاپسىرۋلارى تيٸس. جاڭا شەكتەۋلەر 15 اقپانعا دەيٸن كٷشٸندە بولادى.
بۇعان دەيٸن ۇلىبريتانييا جەنە باسقا دا بٸرقاتار ەلدەر وڭتٷستٸك امەريكا, پورتۋگالييا جەنە كابو-ۆەردە ەلدەرٸنەن كەلەتٸن جولاۋشىلارعا ۋاقىتشا تىيىم سالعان بولاتىن. بۇل شەشٸم وسى اپتادا جاپون عالىمدارىنىڭ كوروناۆيرۋستىڭ جاڭا, «برازيلييالىق تٷرٸن» اشۋىمەن بايلانىستى قابىلداندى.
ٸندەتتٸڭ «برازيلييالىق تٷرٸن» جاپون عالىمدارى جاپونيياعا كەلگەندەردٸڭ بارلىعىن كٷندەلٸكتٸ تەكسەرۋ كەزٸندە برازيلييادان ساپارلاعان تٶرت تۋريستٸڭ اناليزٸنەن تاپقان.
ونىمەن بٸر مەزگٸلدە ۇلىبريتانييادا ٶزٸن-ٶزٸ وقشاۋلاۋ شارالارى نەتيجە بەرە باستاعانى تۋرالى العاشقى مەلٸمەتتەر پايدا بولدى: سوڭعى كٷندەرٸ جاڭا جاعدايلاردىڭ سانى تٶمەندەپ, R كٶبەيۋ كوەففيتسيەنتٸ ەلدە ورتاشا ەسەپپەن 1,2-1,3-كە دەيٸن تٶمەندەگەن.
لوندوندا ۋاقىتشا مەيٸتحانا جۇمىس ٸستەي باستادى
لوندوننىڭ سولتٷستٸك-باتىسىندا جۇما كٷنٸ ۋاقىتشا مەيٸتحانا جۇمىس ٸستەي باستادى. ول بٸرتٸندەپ كەڭەيٸپ, 20 قاڭتارعا دەيٸن 1300 مٷردەنٸ قابىلداي الاتىن بولادى. ۇلىبريتانييا استاناسىنىڭ مەرٸ ساديك حاننٸڭ مەلٸمەتٸنشە, ۇلىبريتانييا استاناسىندا پاندەمييا قۇرباندارىنىڭ سانى 10 مىڭنان استى.
ايتا كەتسەك, لوندوندا پاندەمييانىڭ العاشقى تولقىنى كەزٸندە ۋاقىتشا تٶرت مەيٸتحانا اشىلعان ەدٸ. بٸراق ول كەزدە مەيٸتحانالاردىڭ قاجەتٸ بولمادى.
بٸر اپتا ٸشٸندە سالىنعان مەيٸتحانا توڭازىتقىش قوندىرعىلارى بار شاتىرلاردان تۇرادى. وسىنداي ۋاقىتشا نىساندار باسقا دا اعىلشىن قالالارىندا بوي كٶتەرمەك.
ەۋروپا: تىيىم ٷستٸنە تىيىم
گەرمانييادا Covid-19 جۇقتىرعانداردىڭ سانى 2 ميلليوننان استى, سوڭعى 24 ساعاتتا تاعى 1113 ادام قايتىس بولدى. گەرمانييا كانتسلەرٸ انگەلا مەركەل 16 فەدەرالدى جەردٸڭ باسشىلارىمەن كوۆيد-سامميت ٶتكٸزٸپ, قازٸردٸڭ ٶزٸندە قاتاڭ لوكداۋندى ودان سايىن كٷشەيتۋدٸ ۇسىنباق.
دٷيسەنبٸدەن باستاپ باۆارييا مەديتسينالىق ماسكالارعا جاڭا تالاپتار قويادى: ەدەتتەگٸ بٸررەتتٸك ماسكالار تيٸمسٸز دەپ تانىلدى جەنە ٷي-جايلاردا FFP2 ستاندارتىنا سەيكەس كەلەتٸن رەسپيراتورلار كييۋ مٸندەتتەلدٸ (بۇل ماسكالار N95 دەپ تە اتالادى). مۇنداي تالاپ جاقىن ۋاقىتتا ەلدٸڭ بارلىق اۋماعىندا ەنگٸزٸلەتٸنٸ كٷتٸلۋدە.
پورتۋگالييادا ۇلتتىق لوكداۋن جارييالاندى, ول جوق دەگەندە 30 قاڭتارعا دەيٸن سوزىلادى. مەكتەپتەر, ازىق-تٷلٸك دٷكەندەرٸ, ۆەتەرينارلىق كلينيكالار, ناۋبايحانالار, گٷل دٷكەندەرٸ مەن قوناق ٷيلەر اشىق بولادى. سونداي-اق ازاماتتاردان ەش سەبەپسٸز ٷيدەن شىقپاۋعا كەڭەس بەرٸلدٸ.
ۆەنگرييا قىتايدىڭ CoronaVac ۆاكتسيناسىن ماقۇلداعان العاشقى ەۋروپالىق ەل بولۋى مٷمكٸن. پرەمەر-مينيستر ۆيكتور وربان دەل وسى ۆاكتسينانى قولدانۋدى ۇسىنىپ وتىر جەنە ەلدٸڭ فارماتسەۆتيكالىق رەتتەۋشٸلەرٸن شەشٸمدٸ تەزٸرەك قابىلداۋعا شاقىرۋدا.
اۆستريياداعى كيتتسبيۋەل تاۋ شاڭعىسى كۋرورتىندا COVID-19 ٸندەتٸ كٷرت تارادى. جەرگٸلٸكتٸ باسشىلىقتىڭ پٸكٸرٸنشە, وعان سەبەپ ۇلىبريتانييادان كەلگەن نۇسقاۋشىلار بولدى. ەندٸ كۋرورت ٶز بيۋدجەتٸنەن بٷكٸل وكرۋگكە كوروناۆيرۋس سىناعىنان ٶتۋدٸ ۇسىنۋدا. كيتتسبيۋەلدە ەيگٸلٸ «شترايف» تاسجولىندا تاۋ شاڭعىسى بويىنشا ەلەم كۋبوگى كەزەڭدەرٸنٸڭ بٸرٸ ٶتٸپ جاتقان بولاتىن. الايدا اۋرۋدىڭ ٶرشۋٸنە بايلانىستى ونى اۆسترييانىڭ باسقا ايماعىنا اۋىستىرۋعا تۋرا كەلدٸ.
يسپانييادا روجدەستۆولىق مەرەكەلەردەن كەيٸن ٸندەتتٸڭ كٷرت ٶسكەنٸن ايتىلۋدا. قازٸرگٸ تاڭدا ەلدەگٸ اۋرۋحانالاردا COVID-19 دياگنوزى قويىلعان 19 مىڭ پاتسيەنت بار, ولاردىڭ كٶپشٸلٸگٸ قاڭتار ايىنىڭ باسىندا تٷسكەن.
ەو-نىڭ كٶپتەگەن ەلدەرٸ Pfizer ۆاكتسيناسىن ۋەدە ەتٸلگەن كٶلەمدە المادى, ٶيتكەنٸ امەريكالىق كومپانييا جەتكٸزٸلٸمدەردٸ كەشٸكتٸرٸپ جاتىر. شۆەتسييا, دانييا, فينلياندييا, ليتۆا, لاتۆييا جەنە ەستونييا بۇل جاعدايدى اقىلعا قونىمسىز دەپ اتادى جەنە ونىڭ ۆاكتسيناتسييا پروتسەسٸنە سەنٸمدٸ تٶمەندەتەتٸنٸن مەلٸمدەدٸ.
قىتايدا ناۋقاس سانى كٶبەيدٸ
قىتايدا ٶتكەن جىلدىڭ 1 ناۋرىزىنان بەرگٸ ەڭ جوعارى تەۋلٸكتٸك كٶرسەتكٸش تٸركەلدٸ – 144 جاعداي (ناۋرىزدا 202 بولعان). باسقا ەلدەردٸڭ ستاتيستيكاسىمەن سالىستىرعاندا بۇل كٶرسەتكٸش از بولىپ كٶرٸنەدٸ, الايدا قىتاي بيلٸگٸ ونى دابىل رەتٸندە قاراستىرىپ وتىر. ناۋقاستاردىڭ كٶپشٸلٸگٸ 22 ميلليون حالقى بار حەبەي پروۆينتسيياسىندا تۇرادى. وسى پروۆينتسييادا شۇعىل تٷردە 3 مىڭ ورىندىق اۋرۋحانا-يزولياتوردىڭ قۇرىلىسى باستالدى.
بايدەن امەريكاعا قول ۇشىن سوزباق: بايلار كٶبٸرەك تٶلەيدٸ
20 قاڭتار كٷنٸ اقش پرەزيدەنتٸ لاۋازىمىنا رەسمي كٸرٸسەتٸن دجو بايدەن ەلگە قىزمەتٸن 1,9 ترلن دوللارلىق كٶمەك پاكەتٸن ۇسىنۋدان باستاعىسى كەلەدٸ. بۇل سوما ەر امەريكالىققا 1400 دوللاردى قۇرايتىن بٸرجولعى تٶلەمدەردٸ, جۇمىسسىزدىق بويىنشا جەردەماقىلاردى جەنە باسقا دا ەلەۋمەتتٸك تٶلەمدەردٸ ارتتىرۋدى قاراستىرادى. 400 ملرد دوللارى ۆاكتسيناتسييا ناۋقانى مەن ٸندەتكە قارسى باسقا دا شارالاردى ۇيىمداستىرۋعا جۇمسالادى.
