باتىس قازاقستان وبلىسىندا سوڭعى تٸركەلگەن 6 تۇرعىننىڭ بەسەۋٸ – رەسەيدە جۇمىس ٸستەيتٸندەر, دەپ حابارلايدى "ۇلت اقپارات".
بٷگٸن تاڭعى 09.30-داعى مەلٸمەت بويىنشا باتىس قازاقستان وبلىسىندا 6 ادامنىڭ كوروناۆيرۋس جۇقتىرعانى بەلگٸلٸ بولدى.
مەملەكەتتٸك كوميسسييانىڭ شۇعىل شتابىنان الىنعان مەلٸمەتكە قاراعاندا, سونىڭ بەسەۋٸ – رەسەيدە ۆاحتالىق ەدٸسپەن جۇمىس جاسايتىن ازاماتتار, بۇلاردىڭ ٷشەۋٸ – بقو-نىڭ, ەكەۋٸ – تٷركٸستان وبلىسىنىڭ ازاماتتارى.
ساراتوۆ وبلىسىمەن شەكتەسەتٸن «تاسقالا» اۆتوٶتكەلٸنەن ٶتكەن كەزدە ولاردىڭ دەنساۋلىعىنا شاعىمى بولماعانمەن, كارانتيندٸك ستاتسيونارعا جاتقىزىلدى. زەرتحانالىق سىناما الىنعاندا, كوروناۆيرۋسقا شالدىققانى انىقتالدى.
تاعى بٸر ادام – ورال قالاسىنىڭ 54 جاستاعى تۇرعىنى. ول بۇرىن اۋىرعان اداممەن قارىم-قاتىناستا بولعاندىقتان, كارانتيندٸك ستاتسيونارعا جاتقىزىلىپ, سىناما الىنعان.
قازٸرگٸ تاڭدا التاۋى دا وبلىستىق جۇقپالى اۋرۋلار اۋرۋحاناسىندا ەم الۋدا.
وسىلايشا وبلىستا اۋىرعاندار سانى 92-گە جەتٸپ, سونىڭ ەكەۋٸ جازىلىپ شىقتى. بۇلاردىڭ 78-ٸ – رەسەيدەن كەلگەندەر.
