باتىس قازاقستان وبلىسىندا كوروناۆيرۋس جۇقتىرعان سوڭعى انىقتالعان تٶرت ناۋقاستىڭ ٷشەۋٸ رەسەيدەن كەلگەن, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ بريفينگتە مەلٸم ەتكەنٸندەي, بۇلاردىڭ ەكەۋٸ – قىزىلوردا, بٸرەۋٸ – باتىس قازاقستان وبلىسىنىڭ تۇرعىنى.
ٷشەۋٸ دە سامارا وبلىسىمەن شەكتەسەتٸن «سىرىم» بەكەتٸنەن ٶتكەننەن كەيٸن كارانتيندٸك ستاتسيونارعا جاتقىزىلىپ, زەرتحانالىق سىناما الىنعان كەزدە كوروناۆيرۋس انىقتالعان.
تاعى بٸر ادام – وبلىس تۇرعىنى. ول بۇرىن كوروناۆيرۋس جۇقتىرعان ازاماتپەن قارىم-قاتىناستا بولعاندىقتان, كارانتيندٸك ستاتسيونارعا جاتقىزىلعان. سودان كەيٸن ونىڭ دا دەرتكە شالدىققانى بەلگٸلٸ بولدى.
قازٸرگٸ كەزدە بەرٸ دە وبلىستىق جۇقپالى اۋرۋلار اۋرۋحاناسىندا تيٸستٸ ەمدەرٸن الۋدا.
اۋرۋ وشاقتارىندا دەزينفەكتسييالىق جۇمىستار جٷرگٸزٸلدٸ.
وسىلايشا بقو-دا اۋىرعاندار سانى 68-گە جەتٸپ, سونىڭ ەكەۋٸ جازىلىپ شىقتى.
«ەلەۋمەتتٸك جەلٸلەردە تۇرعىندار رەسەيدەن كەلگەندەردٸ شەكارادان نەگە ٶتكٸزەدٸ? دەگەن ساۋالدى جيٸ قويىپ جاتادى. بۇعان ايتارىمىز, رەسەيدەن كەلٸپ جاتقانداردىڭ بارلىعى – قازاقستان ازاماتتارى, كٶپشٸلٸگٸ – وبلىس تۇرعىندارى. كەيبٸرەۋلەرٸ جۇمىسپەن, بٸرەۋلەرٸ دەنساۋلىعىنا بايلانىستى ەم الۋعا جەنە باسقا جەكە سەبەپپەن بارىپ, قايتىپ جاتقاندار. ولار شەكارادان ٶتكەن بويدا كارانتيندٸك ستاتسيونارعا جاتقىزىلىپ, بەرٸنەن سىناما الىنادى. كوروناۆيرۋس جۇقتىرعاندار سول بويدا وبلىستىق جۇقپالى اۋرۋلار اۋرۋحاناسىنا جەتكٸزٸلەدٸ. اۋىرماعاندارىنا قولحات بەرٸلٸپ, ٷيلەرٸنە جٸبەرٸلەدٸ. بۇلار 14 كٷن بويى مەديتسينالىق باقىلاۋدا بولادى. قازٸرگٸدەي تٶتەنشە جاعداي كەزٸندە تۇرعىنداردىڭ ٷيلەرٸنەن شىقپاي, بارلىق قاۋٸپسٸزدٸك شارالارىن ساقتاۋى اسا ماڭىزدى», دەدٸ ن.مۇستاەۆ.
