قازاقستان ەپيدەميولوگييالىق جاعدايدى باعالاۋدىڭ قوسىمشا ٶلشەمشارتتارىن ەنگٸزدٸ. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا ايتتى, دەپ حابارلايدى قازاقپارات.
«وسى اپتانىڭ 3 كٷنٸندە جاعداي قولايسىز بولىپ سيپاتتالادى. وسى اپتانىڭ 3 كٷنٸن ٶتكەن اپتانىڭ وسىنداي كەزەڭٸمەن سالىستىرعاندا ٶسٸم 1,6 ەسە بولىپ وتىر. بۇل رەتتە, 15 ٶڭٸردە اۋرۋدىڭ 1,2 ەسەدەن 6 ەسەگە دەيٸن ٶسكەنٸ بايقالادى»,- دەدٸ ل.اقتاەۆا.
ونىڭ اتاپ ٶتۋٸنشە, جاعدايدى وبەكتيۆتٸ باعالاۋ ماقساتىندا دەنساۋلىق ساقتاۋ مينيسترلٸگٸ ەپيدەميولوگييالىق احۋالدى باعالاۋدىڭ قوسىمشا ٶلشەمشارتتارىن ەنگٸزدٸ.
«بٸرٸنشٸدەن, ەپيدەميولوگييالىق جاعدايدىڭ ديناميكاسى نازارعا الىنادى. بۇل جەردە بٸز بۇرىن پايدالانىلعان «ٶسۋ قارقىنى» دەگەن كٶرسەتكٸشتەن ارىلامىز. سەبەبٸ جالپى اۋرۋ جاعدايلارىنىڭ سانى بەلسەندٸ اۋىراتىن ناۋقاستاردىڭ سانىنان ٶزگەشە بولعان جاعدايدا, بۇل كٶرسەتكٸش ەپيدەمييانىڭ دامۋ قارقىنىن تولىق كٶلەمدە كٶرسەتپەيدٸ. بٸز جاعدايدى باعالاۋ ٷشٸن R – رەپرودۋكتيۆتٸ سان كٶرسەتكٸشٸن قولدانامىز. ياعني كوروناۆيرۋس ينفەكتسيياسىنا شالدىققان 1 ناۋقاس ورتاشا ەسەپپەن اۋرۋ جۇقتىراتىن بايلانىستا بولعان ادامداردىڭ سانى», - دەدٸ مينيستر مٸندەتٸن اتقارۋشى.
ەكٸنشٸدەن, ونىڭ ايتۋىنشا, شەكتەۋ شارالارى مٸندەتتەرٸنٸڭ بٸرٸ ناۋقاستار اعىنىنا شاماسى كەلمەيتٸن كەزدە دەنساۋلىق ساقتاۋ جٷيەسٸنٸڭ شامادان تىس جٷكتەلۋٸنە جول بەرمەۋ بولىپ تابىلادى. سوندىقتان ەكٸنشٸ ٶلشەمشارت كوروناۆيرۋس ينفەكتسيياسىمەن اۋىراتىن ناۋقاستارعا ارنالعان بوس ەمەس تٶسەك قورىنىڭ كٶرسەتكٸشٸ سانالادى.
«سونداي-اق, بٸز قوسىمشا كٶرسەتكٸشتەردٸ دە ەسكەرەمٸز. بۇل - كۆي-دەن بولاتىن ٶلٸم-جٸتٸم كٶرسەتكٸشٸنٸڭ ٶسۋٸ, اۋىر جەنە ٶتە اۋىر دەرەجەدەگٸ ناۋقاستاردىڭ ٷلەسٸ. ەگەر R كٶرسەتكٸشٸ 1,3-تەن اساتىن بولسا نە ول 1,15-تەن 1,3-كە دەيٸنگٸ دياپازوندا بولسا, بۇل رەتتە بوس ەمەس تٶسەكتەر 70 پايىزدان ارتىق بولسا نە بوس ەمەس تٶسەكتەردٸڭ پايىزى رەپرودۋكتيۆتٸك سانعا قاراماستان 90 پايىزدان جوعارى بولسا, كارانتيندٸك جەنە شەكتەۋ شارالارىن كٷشەيتۋ قاجەت», - دەدٸ ول.
لەززات اقتاەۆانىڭ ايتۋىنشا, باتىس قازاقستان, قوستاناي جەنە ماڭعىستاۋ وبلىستارى شەكتەۋ شارالارىن بۇرىنعى كٶلەمدە قالدىرىلۋى مٷمكٸن. بٷگٸنگٸ كٷنٸ قوسىمشا قاتاڭداتۋ شارالارى بارلىق 16 ٶڭٸردە ەنگٸزٸلدٸ.
