بٷگٸن اتىراۋ وبلىسىندا قاۋٸپتٸ ٸندەتتەن تاعى ەكٸ ادام قايتىس بولدى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ مەلٸمەتٸنە قاراعاندا, بٷگٸن كوروناۆيرۋس ينفەكتسيياسىنا شالدىققان تاعى ەكٸ ادام قايتىس بولعان.
«قايتىس بولعانداردىڭ ەكەۋٸ دە ەر ادام. ونىڭ بٸرٸ –5 5 جاستا, ەكٸنشٸسٸ – 57 جاستاعى قۇلسارى قالاسىنىڭ تۇرعىنى. العاشقى ناۋقاس پروۆيزورلىق ستاتسيونارعا تٷسكەنگە دەيٸن 5 كٷن اۋىرعان. سونان سوڭ ەمحاناعا مەديتسينالىق كٶمەك الۋعا جٷگٸنگەن. اۋرۋحاناعا تٷسكەن كەزدە ەكٸ ناۋقاستا دا ينتوكسيكاتسييالىق سيندروم بولدى, دەم جەتپەي تۇردى, جاعدايى ٶتە اۋىر بولدى. بۇل پاتسيەنتتەرگە كوروناۆيرۋس ينفەكتسيياسى, ەكٸ جاقتى پوليسەگمەنتارلى پنەۆمونييا دياگنوزى قويىلعان ەدٸ», - دەپ حابارلادى وبلىستىق دەنساۋلىق ساقتاۋ باسقارماسىنان.
ەسكە سالا كەتەلٸك, بۇدان بۇرىن جىلىويدا كوروناۆيرۋستان 48 جاستاعى ەيەل قايتىس بولعان ەدٸ.
قازٸر اتىراۋدا قايتىس بولعاندار سانى 6 ادامعا جەتتٸ.
