كوروناۆيرۋستى انىقتاۋ تەستٸ وڭ نەتيجە كٶرسەتكەن كەزدە ٷرەيگە بوي الدىرۋدىڭ قاجەتٸ جوق. بۇل جايىندا قازاقستاننىڭ جەتەشكٸ ينفەكتسيونيست دەرٸگەرٸ داناگٷل باەشەۆا ايتتى, دەپ حابارلايدى قازاقپارات.
«اۋرۋعا شالدىققانداردىڭ 80 پايىزىندا ٸندەتتٸڭ جەڭٸل ەرٸ سيمپتومسىز فورماسى بولادى. ادامداردىڭ كٶپشٸلٸگٸ پتر-تەست وڭ نەتيجە كٶرسەتكەن جاعدايدا ٷرەيگە بوي الدىرىپ جاتادى. مۇنان قورقۋدىڭ ەش قاجەتٸ جوق», - دەدٸ قازاقستاننىڭ جەتەكشٸ ينفەكتسيونيسٸ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, دەنە قىزۋى سىندى العاشقى بەلگٸلەرٸ پايدا بولعان كەزدە دە قورقۋدىڭ ەش قاجەتٸ جوق.
«سابىرلىق ساقتاۋ كەرەك. ٶيتكەنٸ, ٶزٸڭٸز دە سىرقاتتانۋ ارتىپ كەلە جاتقانىن كٶرٸپ وتىرسىز. قازٸرگٸ ۋاقىتتا ٷرەيگە بوي الدىرىپ, دٷربەلەڭ تۋدىرۋعا بولمايدى. قالاي دەگەنمەن دە تەۋەكەل توبىنداعى ادامدارعا بارىنشا نازار اۋدارعان جٶن. بۇل توپقا سوزىلمالى اۋرۋلارى بار ەگدە جاستاعى ادامدار كٸرەدٸ», - دەدٸ داناگٷل باەشەۆا.
