قىزىلوردا وبلىسىندا «قورقىت اتانىڭ دانالىق سٶزدەرٸ» اتتى كٸتاپ وقىرمان قاۋىمعا جول تارتتى. بۇل تۋىندى قازاق, ورىس جەنە اعىلشىن تٸلدەرٸندە جارىق كٶرگەن, دەپ حابارلايدى "ۇلت اقپارات".
اتالمىش يگٸلٸكتٸ ٸس تۇڭعىش پرەزيدەنت - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قولعا الىنعان. كٸتاپ قىزىلوردا وبلىستىق «رۋحاني جاڭعىرۋ» ورتالىعىنىڭ ۇيىمداستىرۋىمەن جٷزەگە اسىرىلدى. ونى ورتالىق قىزمەتكەرٸ, بەلگٸلٸ تٷركٸتانۋشى, فيلولوگييا عىلىمدارىنىڭ كانديداتى سەرٸكباي قوسان قۇراستىرىپ شىقتى. كٸتاپ ٷش مىڭ تارالىممەن وقىرمان قولىنا جول تارتتى.
جوبا اۆتورى قازاق تٸلٸندەگٸ نۇسقاسى پروفەسسور ب. ىسقاقوۆتىڭ اۋدارماسى نەگٸزٸندە ەزٸرلەنگەنٸن ايتادى. وعان ازداعان تٷزەتۋلەر ەنگٸزٸلگەن. ال ورىس تٸلٸندەگٸ مەتٸنٸنە 1965 جىلى «كنيگا موەگو دەدا كوركۋتا» دەگەن اتاۋمەن جارىق كٶرگەن اكادەميك ۆ.ۆ.بارتولدتٸڭ اۋدارماسى نەگٸز بولعان. اعىلشىن تٸلٸندەگٸ نۇسقاسى ۇلتتىق اۋدارما بيۋروسى ماماندارىنىڭ كٶمەگٸمەن دايىندالعان.
عالىمنىڭ ايتۋىنشا, كٸتاپ مەتٸنٸ بٸلٸم جەنە عىلىم مينيسترلٸگٸ عىلىم كوميتەتٸ ورتالىق عىلىمي كٸتاپحاناسىنىڭ سيرەك قورى مەن م.ەۋەزوۆ اتىنداعى ەدەبيەت جەنە ٶنەر ينستيتۋتىنىڭ قولجازبا قورىندا ساقتالعان ماتەريالدار نەگٸزٸندە جەنە 1999 جىلى جارىق كٶرگەن «قورقىت اتا ەنتسيكلوپەديياسىندا» جارىق كٶرگەن نۇسقالار نەگٸزٸندە دايىندالعان.
وبلىستىق «رۋحاني جاڭعىرۋ» ورتالىعى جىل سوڭىنا دەيٸن ايماقتاعى ساكرالدى مۇرالار جايلى كٸتاپ پەن سىر سٷلەيٸ تۇرماعامبەتتٸڭ بۇرىن ەش جەردە جارييالانباعان جىرلارىنان جيناق شىعارۋدى جوسپارلاپ وتىر.
