- «بجزق» اق تٶراعاسى رۋسلان ەردەناەۆ پەن «بجزق» اق تەۋەكەلدەردٸ باسقارۋ دەپارتامەنتٸنٸڭ باسشىسى مۇسا باحتوۆتىڭ قورعاۋشىسى الەكساندر بلوح سۋديادان كٷدٸكتٸلەردٸ كەپٸلگە بوساتۋدى ٶتٸندٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ول قىلمىس جاساعان جوق. ارادا ازاماتتىق-قۇقىقتىق مەمٸلە بولعان. ونىڭ زاڭدى-زاڭسىزدىعىن تەك سوت شەشەدٸ. بۇل قۇقىق قورعاۋشىلاردىڭ قۇزىرىنداعى نەرسە ەمەس», - دەدٸ ول.
ونىڭ ايتۋىنشا, قازٸر قانداي بولماسىن قورىتىندى شىعارۋعا ەلٸ ەرتە.
«باحتوۆ مٷلدە تەك ٶز مٸندەتٸن ورىنداعانى ٷشٸن ۇستالىپ وتىر. ول ٶز لاۋازىمىنا ساي ەرەكەت ەتتٸ», - دەدٸ ول.
«اقشا بانكتە. ەميتەنت كەلٸسٸمدٸ بۇزىپ, اقشانى باسقا جاققا جۇمسادى. اقشانى بانكتەن باس بانكير بٸر تەلەفون قوڭىراۋىمەن الا سالادى. اقشا ەشقايدا كەتكەن جوق. زەينەتاقى شاشىلعان جوق. بجزق اكتيۆتەرٸ جۇمسالدى. مەمٸلە ٶتە تيٸمدٸ. جىلىنا 19 پايىز. مەمٸلە التىن رۋدالى رۋدنيكپەن كەپٸلدەندٸرٸلگەن. وندا التىن كٶلەمٸ 60-220 توننا بولۋى مٷمكٸن», - دەدٸ ادۆوكات.
قورعاۋشى ەردەناەۆتىڭ ەرەكەتٸن قىلمىستىق ەمەس ەكەندٸگٸن دەلەلدەۋگە تىرىسىپ جاتىر.
«مەن تٷسٸنەر ەدٸم. ەگەر ونى ۇستاپ السا, ول ۇرلادى. اقشا جوق ەمەس. شوتتا جاتىر عوي. دەمەك ونى ەشكٸم ۇرلاعان جوق. ەگەر دەفولت بولعان جاعدايدا اقشا ورنىنا كەلەدٸ. نەگە ونى ەشكٸم ەسكەرمەيدٸ», - دەدٸ ول.
ونىڭ ايتۋىنشا, قازٸر ەردەناەۆتىڭ 90 ملن تەڭگە تۇراتىن پەتەرٸ كەپٸلگە قويىلعان.
«قر زاڭناماسى بويىنشا كەپٸلگە ەڭ كەمٸ 1 ملن 600 تەڭگە قويۋعا بولادى. ال باحتوۆقا 13 ملن تەڭگە قويدىم», - دەدٸ قورعاۋشى.
ال نايزاعارين مەن كەنجەباەۆتىڭ قورعاۋشىسى عالىم نۇرپەيٸسوۆ تە قولاستىنداعىلاردى كەپٸلگە بوساتۋدى سۇراماق.
ەسكە سالساق, ۇلتتىق قاۋٸپسٸزدٸك كوميتەتٸنٸڭ الماتى قالاسىنداعى دەپارتامەنتٸ بجزق-نىڭ قۇنى 5 ملرد تەڭگە بولاتىن كەلٸسٸم-شارتىن تەكسەرٸپ جاتىر.
سوتقا دەيٸنگٸ تەرگەۋ ورىندارى ر.ەردەناەۆ پەن ٶزگە دە تۇلعالارعا مەنشٸككە قاتىستى قر قك 189 بابىنىڭ 4 تارماعى بويىنشا اۋىر قىلمىس جاسادى دەپ ايىپ تاعىپ وتىر.
21 جەلتوقساننان باستاپ ۇلتتىق بانكتٸڭ قاتىسۋىمەن «بٸرىڭعاي جيناقتاۋشى زەينەتاقى قورى» اق-نىڭ ەرەكەتٸ تەكسەرٸلٸپ جاتىر. تەكسەرۋ بجزق اكتسيونەرلەرٸنٸڭ ٶز اكتيۆتەرٸن ينۆەستيتسييالاۋعا قاتىستى بولىپ وتىر. بجزق ٶز كەزەگٸندە قارجى جىمقىرۋىنا قاتىستى قاۋەسەتتٸ جوققا شىعاردى.
