فوتو: اشىق دەرەككٶز
استانادا مەملەكەتتٸك قورعانىس تاپسىرىسى سالاسىنداعى قاراجات جىمقىرۋ دەرەگٸ بويىنشا رەزونانستىق ٸسكە قاتىستى سوت ٷكٸمٸ شىقتى.
2023 جىلى قارجىلىق مونيتورينگ اگەنتتٸگٸمەن "كازسپەتسەكسپورت" رمك-نىڭ لاۋازىمدى تۇلعالارى ۇستالىپ, ەسكەري ماقساتتاعى ٶنٸمدەردٸ ساتىپ الۋعا بٶلٸنگەن بيۋدجەت قاراجاتىن جىمقىردى ەرٸ سىبايلاس جەمقورلىققا قاتىسى بار دەگەن ايىپ تاعىلعان بولاتىن.
مەملەكەتكە كەلتٸرٸلگەن زالال 1,6 ملرد تەڭگەدەن استى.
"سوت ٷكٸمٸمەن "كازسپەتسەكسپورت" باس ديرەكتورى رامازانوۆ ا - 11 جىلعا باس بوستاندىعىنان ايىرىلدى, ال كەسٸپورىننىڭ دەپارتامەنت ديرەكتورى كۋداباەۆ ا – 10 جىلعا سوتتالدى", - دەلٸنگەن حابارلامادا.
قالعان 9 ايىپتالۋشى دا ەرتٷرلٸ مەرزٸمگە باس بوستاندىعىنان ايىرىلدى.
سونىمەن قاتار, سوت مەملەكەت پايداسىنا 1,6 ملرد تەڭگە كٶلەمٸندەگٸ ازاماتتىق تالاپ-ارىزدى قاناعاتتاندىرىپ, جالپى قۇنى 607 ملن تەڭگە بولاتىن مٷلٸكتٸ تەركٸلەدٸ.
