قر قارۋلى كٷشتەرٸندە جەكە قۇرامنىڭ قازا بولۋى مەن جاراقاتتانۋ سەبەبٸن انىقتايتىن, ونىڭ نەتيجەسٸمەن «ەسكەردە نٶلدٸك ٶلٸم-جٸتٸم» شارالار كەشەنٸن ەزٸرلەيتٸن جۇمىس توبى قۇرىلدى. قورعانىس مينيسترٸ گەنەرال-پولكوۆنيك رۋسلان جاقسىلىقوۆ جازعى وقۋ كەزەڭٸنٸڭ باستالۋىنا بايلانىستى ٶتكەن كەڭەستە وسىنداي تاپسىرما بەردٸ, دەپ حابارلايدى قازاقپارات.
قورعانىس ۆەدومستۆوسىنىڭ باسشىسى جاۋىنگەرلٸك دايارلىقتى قايتا جاڭعىرتۋ اياسىندا ساباقتاردى ساپالى ۇيىمداستىرۋعا, جەكە قۇرامنىڭ وقۋ باعدارلامالارىن تولىققاندى ٸسكە اسىرۋىنا, وقىتۋ پروتسەسٸنە بارلىق ەسكەري قىزمەتشٸلەردٸ قاتىستىرۋعا نازار اۋداردى.
ەسكەري قىزمەت قاۋٸپسٸزدٸگٸ جەكە مەسەلە رەتٸندە كٶتەرٸلدٸ. رۋسلان جاقسىلىقوۆ ەسكەري قىزمەتشٸلەردٸڭ جاراقاتتانۋى مەن قازا بولۋى مەسەلەلەرٸنە توقتالدى. ول بەيبٸت ۋاقىتتا مۇنداي فاكتٸلەرگە جول بەرٸلمەۋٸ تيٸستٸگٸن جەنە بارلىق لاۋازىمدى تۇلعالار مۇنداي جاعدايلاردى بولدىرماۋ ٷشٸن قاجەتتٸ شارا قابىلداۋى كەرەكتٸگٸن اتاپ ٶتتٸ.
ەسكەري قىزمەتتٸڭ تۇتاستاي العاندا, قاۋٸپ تٶندٸرەتٸن كٶپتەگەن فاكتورلارمەن بايلانىستى ەكەندٸگٸ ايتىلدى. سونىمەن قاتار ارمييا قوعامنىڭ بٸر بٶلٸگٸ بولعاندىقتان, بٸرقاتار جاعىمسىز قۇبىلىستار ازاماتتىق ٶمٸردەن قارۋلى كٷشتەردٸڭ قاتارىنا اۋىسىپ جاتادى. وسىعان بايلانىستى جەكە قۇرامنىڭ قازا بولۋى مەن جاراقاتتانۋ سەبەپتەرٸنە جان-جاقتى تالداۋ جٷرگٸزەتٸن «ەسكەردە نٶلدٸك ٶلٸم-جٸتٸم» بويىنشا شارالار كەشەنٸن ەزٸرلەيتٸن جۇمىس توبىن قۇرۋ تاپسىرىلدى.
باعدارلامانى ەزٸرلەۋگە قورعانىس مينيسترلٸگٸنٸڭ لاۋازىمدى تۇلعالارىن, ارداگەرلەر ۇيىمدارىن, بٸلٸم بەرۋ جەنە مەديتسينا مەكەمەلەرٸنٸڭ ٶكٸلدەرٸن, پسيحولوگتاردى دا تارتۋ قاجەت. وسى باعدارلامانى ٸسكە اسىرۋدىڭ نەگٸزگٸ نىسانالى ينديكاتورى قارۋلى كٷشتەردە قازا تابۋ فاكتٸلەرٸن تولىق جويۋ بولۋعا تيٸس.
كەڭەس بارىسىندا قورعانىس مينيسترٸ تٸلسٸز جاۋدى سٶندٸرٸپ, جالىن ٸشٸندە قالعان ادامدى قۇتقارۋ كەزٸندە باتىلدىق تانىتقان كەلٸسٸمشارت بويىنشا ەسكەري قىزمەتشٸلەر ەفرەيتورلار ابىلايحان وماروۆ پەن تالعات ەبجانوۆتى «ەل قورعانى» ۆەدومستۆولىق مەدالٸمەن ماراپاتتادى. مينيستر رۋسلان جاقسىلىقوۆ اتالعان ەسكەري قىزمەتشٸلەردٸڭ تٶتەنشە جاعدايدا شاپشاڭ قيمىلداپ, دەر كەزٸندە كٶمەككە كەلە العان ەرلٸگٸن ٷلگٸ ەتتٸ.
ەسكە سالايىق, بيىلعى سەۋٸر ايىنىڭ سوڭىندا كەتەيٸك, جامبىل وبلىسىنداعى گۆاردەيسك ەسكەري قالاشىعىنداعى گوسپيتالدە مەرزٸمدٸ ەسكەري قىزمەتكە شاقىرىلعان ەلٸبەك قالباي قازا بولدى. پرەزيدەنت ساربازدىڭ ٶلٸمٸنٸڭ سەبەبٸن انىقتاۋدى تاپسىردى.
ماڭعىستاۋ وبلىسىندا شەكارا قىزمەتٸندە ەسكەري بورىشىن ٶتەپ جٷرگەن سارباز ٶز-ٶزٸنە قول سالدى. ونىڭ قايعىلى وقيعا الدىندا جازعان حاتتارى قوسا جارييالاندى. مەملەكەت باسشىسى وسىنداي كەلەڭسٸزدٸكتەردٸڭ سەبەبٸن تەرگەپ-تەكسەرۋ, ەسكەري قىزمەتشٸلەر اراسىنداعى زاڭسىزدىقتاردى جويۋ جەنە كەلەشەكتە ەسكەردەگٸ مۇنداي تەرٸس ٸس-ەرەكەتتەردٸ بولدىرماۋ ٷشٸن ٶزٸنٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى عيزات نۇردەۋلەتوۆتٸڭ باسشىلىعىمەن ارنايى كوميسسييا قۇرۋدى تاپسىردى.
بۇدان بٶلەك, اقتاۋداعى ەسكەري بٶلٸمدە مەرزٸمدٸ بورىشىن ٶتەپ جٷرگەن سارباز اينالادا بولىپ جاتقان وقيعالارعا تٷسٸنٸكسٸز رەاكتسييا تانىتىپ, ٶزٸمەن-ٶزٸ سٶيلەسە باستاعان. وقيعاعا قاتىستى ەسكەري پوليتسييا تەكسەرۋ جٷرگٸزٸپ جاتىر.
ال بيىلعى مامىر ايىنىڭ سوڭىندا بالقاشتا ەسكەري قىزمەتشٸ ەرٸپتەسٸنە وق اتتى.
