قر قورعانىس مينيسترلٸگٸ ۇقشۇ ەلدەرٸنٸڭ ەسكەري كونتينگەنتتەرٸ قازاقستاندا قانداي تاپسىرمالاردى ورىنداپ جاتقانىن مەلٸم ەتتٸ, دەپ حابارلايدى قازاقپارات.
ۆەدومستۆو اقپاراتىنا سٷيەنسەك, العاشقى بولىپ قازاقستانعا 6 قاڭتار كٷنٸ رەسەيدٸڭ ەسكەري كونتينگەنتٸ بار ۇشاق كەلٸپ قوندى. ٸزٸن سۋىتپاي ارتىنان جەدەل تٷردە ارمەنييا, بەلارۋس, قىرعىزستان جەنە تەجٸكستاننان بٸتٸمگەرلٸك كونتينگەنتتەر جەتكەن. بٸتٸمگەرلٸك كٷشتەردٸڭ جالپى سانى شامامەن 2500 ادامدى قۇرايدى.
الماتىدا تٶتەنشە جاعداي شارالارىن قامتاماسىز ەتۋگە قاتىساتىن ۇيىمنىڭ بٶلٸمدەرٸ مەن بٶلٸمشەلەرٸنٸڭ ٸس-قيمىلىن ٷيلەستٸرەتٸن ۇقشۇ-نىڭ ۇجىمدىق بٸتٸمگەرلٸك كٷشتەرٸ شتابى قۇرىلدى.
«ەلٸمٸزدە كونتينگەنتتٸ ورنالاستىرۋ ٷشٸن ۇجىمدىق قاۋٸپسٸزدٸك تۋرالى شارتتىڭ 2 جەنە 4-باپتارى, بٸتٸمگەرشٸلٸك قىزمەت تۋرالى كەلٸسٸم جەنە قازاقستان رەسپۋبليكاسى پرەزيدەنتٸنٸڭ تيٸستٸ كٶمەك كٶرسەتۋ تۋرالى ٷندەۋٸ قۇقىقتىق نەگٸز بولىپ تابىلادى.
بٸتٸمگەرشٸلٸك كٷشتەردٸڭ مانداتىنا ستراتەگييالىق نىسانداردى كٷزەتۋ كٸرەدٸ. كونتينگەنتتەر ەۋەجايلاردى, ەسكەري قويمالاردى جەنە حالىقتىڭ تىنىس-تٸرشٸلٸگٸن قامتاماسىز ەتەتٸن باسقا دا ستراتەگييالىق نىسانداردىڭ قاۋٸپسٸزدٸگٸن قامتاماسىز ەتۋ فۋنكتسييالارىن جٷزەگە اسىرادى.
ۇقشۇ-عا مٷشە مەملەكەتتەر ۇجىمدىق بٸتٸمگەرشٸلٸك كٷشتەرٸنٸڭ ەسكەري قىزمەتشٸلەرٸ تەرروريزمگە قارسى وپەراتسيياعا تارتىلمايدى. تەرروريستٸك توپتارعا قارسى نەگٸزگٸ ٸس-قيمىلداردى قۇقىق قورعاۋ ورگاندارى مەن قازاقستان رەسپۋبليكاسىنىڭ قارۋلى كٷشتەرٸ جٷرگٸزەدٸ. سونىمەن قاتار ەلدە ۇيىم ەلدەرٸنٸڭ ەسكەري بٶلٸمشەلەرٸنٸڭ بولۋى قازاقستان قارۋلى كٷشتەرٸنٸڭ ەسكەري قىزمەتشٸلەرٸ مەن باسقا دا ەلەۋەتتٸ قۇرىلىمداردىڭ قىزمەتكەرلەرٸنە تٶتەنشە جاعداي رەجيمٸن قامتاماسىز ەتۋ جەنە تەرروريزمگە قارسى وپەراتسييانى ٶتكٸزۋ جٶنٸندەگٸ ٸس-شارالارعا تولىق كٶڭٸل اۋدارۋعا مٷمكٸندٸك بەردٸ», - دەدٸ قر قورعانىس مينيسترلٸگٸنەن.
ەسكە سالايىق, قر پرەزيدەنتٸ قاسىم-جومارت توقاەۆ ۇجىمدىق قاۋٸپسٸزدٸك شارت ۇيىمىنا مٷشە ەلدەردٸڭ باسشىلارىنان ەل اۋماعىنداعى تەرروريستٸك قاۋٸپتٸ ەڭسەرۋ ٷشٸن قازاقستانعا كٶمەك كٶرسەتۋدٸ سۇراعان بولاتىن.
«ۇقشۇ-نىڭ ۇجىمدىق بٸتٸمگەرشٸلٸك كٷشتەرٸ قازاقستان اۋماعىندا ۋاقىتشا مەرزٸمگە كەلگەنٸن جەنە قازاقستان تاراپىنىڭ ٶتٸنٸشٸ بويىنشا جاعداي تۇراقتالعاننان كەيٸن ەلدەن كەتەتٸنٸن اتاپ ٶتۋ قاجەت», - دەدٸ قورعانىس ۆەدومستۆوسىنان.
ايتا كەتەيٸك, ۇقشۇ-عا مٷشە مەملەكەتتەردٸڭ بٸتٸمگەرشٸلٸك كونتينگەنتتەرٸ – بۇل ارنايى دايىندالعان ەسكەري, ميليتسييا (پوليتسييا) جەنە ازاماتتىق پەرسونال, سونداي-اق ۇيىمعا مٷشە مەملەكەتتەر ۇقشۇ-نىڭ بٸتٸمگەرشٸلٸك كٷشتەرٸنە بەرەتٸن كٷشتەر مەن قۇرالدار. ۇجىمدىق بٸتٸمگەرشٸلٸك كٷشتەردٸڭ قۇرامى, قۇرىلىمى مەن سانى جٷكتەلگەن مٸندەتتەردٸڭ كٶلەمٸ مەن شيەلەنٸس ايماعىنداعى ناقتى جاعدايدى نەگٸزگە الا وتىرىپ, ەربٸر بٸتٸمگەرشٸلٸك وپەراتسييا ٷشٸن ۇقشۇ ۇجىمدىق قاۋٸپسٸزدٸك كەڭەسٸنٸڭ شەشٸمٸمەن جەكە ايقىندالادى.
