قر قورعانىس مينيسترلٸگٸ مەملەكەت باسشىسىنىڭ قارۋلى كٷشتەردٸڭ كادرلىق ەلەۋەتٸن ارتتىرۋ تاپسىرماسىن ٸسكە اسىرۋ شەڭبەرٸندە ەسكەري دەرٸگەرلەردٸ دايارلاۋدى ۇيىمداستىرىپ جاتىر, دەپ حابارلايدى ۆەدومستۆونىڭ باسپاسٶز قىزمەتٸ.
قازاقستان ەسكەرٸنە مەديتسينا ماماندارىن اقتٶبەدەگٸ ەۋە قورعانىسى كٷشتەرٸ ەسكەري ينستيتۋتىنىڭ ەسكەري-مەديتسينا فاكۋلتەتٸ, سانكت-پەتەربۋرگتەگٸ ەسكەري-مەديتسينا اكادەميياسى جەنە ەرەۆان مەملەكەتتٸك مەديتسينا ۋنيۆەرسيتەتٸنٸڭ ەسكەري-مەديتسينا فاكۋلتەتٸ دايىندايدى.
بيىل وقۋ ورىندارىنا 40 كۋرسانتتى وقۋعا قابىلداۋ جوسپارلانىپ وتىر. سونىمەن بٸرگە سانكت-پەتەربۋرگتەگٸ ەسكەري-مەديتسينالىق اكادەمييا ۇلداردى دا, قىزداردى دا وقۋعا قابىلدايتىنىن اتاپ ٶتۋ كەرەك.
وقۋ بارىسىندا كۋرسانتتار تولىقتاي مەملەكەت تاراپىنان قامتاماسىز ەتٸلەدٸ.
وقۋدى اياقتاعان بولاشاق ەسكەري دەرٸگەرلەرگە «لەيتەنانت» ەسكەري اتاعى بەرٸلەدٸ. جاس مامانداردا قارۋلى كٷشتەردە ەسكەري قىزمەت ٶتكەرە وتىرىپ, ينتەرناتۋرادا وقۋىن جالعاستىرۋعا مٷمكٸندٸك بار.
ەسكەري وقۋ ورىندارىنا تٷسكٸسٸ كەلەتٸن تالاپكەر بيىلعى جىلدىڭ مامىر ايىنان كەشٸكتٸرمەي تۇرعىلىقتى جەرٸ بويىنشا جەرگٸلٸكتٸ ەسكەري باسقارۋ ورگاندارىنا حابارلاسۋى قاجەت.
