فوتو: قورعانىس مينيسترلٸگٸنٸڭ الماتى گارنيزونى
قورعانىس مينيسترٸ رۋسلان جاقسىلىقوۆ كٶرشٸ ەلدەردەگٸ ۇقشۇ وقۋ-جاتتىعۋلارىنىڭ توقتاتىلۋىنا قاتىستى پٸكٸر بٸلدٸردٸ. مينيستردٸڭ ايتۋىنشا, قازاقستانمەن قارىم-قاتىناس تۇراقتى, - دەپ حابارلايدى Tengrinews.kz.
بٸرنەشە ەلدٸڭ وقۋ-جاتتىعۋلارعا قاتىسۋدان باس تارتقانىن ەسكەرٸپ, جۋرناليستەر مينيستردەن ۇقشۇ-عا داعدارىس كەلدٸ مە دەپ سۇرادى.
"داعدارىس جوق. مەملەكەتٸمٸزدٸڭ قارىم-قاتىناسى تۇراقتى. قازاقستان ٶز مٸندەتتەمەلەرٸن, الدىن الا بەكٸتكەن جۇمىس جوسپارلارى بويىنشا ورىنداپ جاتىر. سوندىقتان قانداي دا بٸر دٷربەلەڭ نەمەسە قانداي دا بٸر مەسەلە تۋرالى ايتۋدىڭ ماعىناسى جوق. مەملەكەتٸمٸزگە, ٶز زاڭنامامىزعا سەنەيٸك. بٸز بارلىق بەلگٸلەنگەن نورمالاردى ورىندايمىز. بٷگٸنگٸ كٷنٸ بٸزدە ەشقانداي مەسەلە جوق. بارلىعى شارتتىق مٸندەتتەمەلەر اياسىندا", - دەپ سەندٸردٸ جاقسىلىقوۆ. جۋرناليستەردٸڭ سۇراقتارىنا جاۋاپ بەردٸ.
