- بٷگٸن قر پرەزيدەنتٸ نۇرسۇلتان نازارباەۆ كورەيا رەسپۋبليكاسىنا مەملەكەتتٸك ساپارى اياسىندا اتالعان ەلدٸڭ پرەزيدەنتٸ پاك كىن حەمەن كەڭەيتٸلگەن قۇرامدا كەلٸسسٶز جٷرگٸزدٸ, دەپ حابارلايدى قازاقپاراتتىڭ ارناۋلى تٸلشٸسٸ سەۋلدەن.
كەلٸسسٶزدەر بارىسىندا تاراپتار ەكٸ ەلدٸڭ اراسىنداعى ساياسي, ساۋدا-ەكونوميكالىق, مەدەني-گۋمانيتارلىق مەسەلەلەرگە قاتىستى جايتتاردى كەڭٸنەن تالقىعا سالدى.
سونداي-اق حالىقارالىق كٷن تەرتٸبٸندەگٸ ٶزەكتٸ مەسەلەلەر قوزعالىپ, يادرولىق قارۋسىزدانۋ پروبلەماسى كٶتەرٸلدٸ. ايتا كەتەرلٸگٸ, كورەيا كٶرشٸلەس سولتٷستٸك كورەيانىڭ يادرولىق قارۋ باعدارلاماسىنا بايلانىستى الاڭداۋشىلىق تانىتىپ وتىرعانى بەلگٸلٸ. سوندىقتان دا كورەيا قازاقستان 2017-2018 جىلدارى ارالىعىندا بٸرٸككەن ۇلتتار ۇيىمى قاۋٸپسٸزدٸك كەڭەسٸنە تۇراقتى ەمەس مٷشە بولعاندا يادرولىق قارۋسىزدانۋ جەنە تاراتپاۋ ٸسٸنە بەلسەنە ارالاسۋعا نيەت تانىتىپ وتىر.
مۇنان بٶلەك, تاراپتار كيبەرقاۋٸپسٸزدٸك, ەنەرگەتيكالىق ىنتىماقتاستىق مەسەلەلەرٸن دە قوزعادى. بۇل رەتتە كورەيا باتىس قازاقستان وبلىسىندا گاز كوندەنساتىن قايتا ٶڭدەيتٸن بٸرلەسكەن كەسٸپورىن قۇرۋعا قۇلشىنىس تانىتۋدا. ساۋدا-ەكونوميكالىق سالاداعى بايلانىستاردى نىعايتىپ, ەكٸ ەل اراسىنداعى وسىدان ەكٸ جىل بۇرىنعى ەلەمدٸك داعدارىسقا بايلانىستى تٶمەندەگەن تاۋار اينالىمىنىڭ كٶلەمٸن ارتتىرۋ جايى دا قوزعالدى.
كەلٸسسٶزدەر بارىسىندا قوزعالعان تاعى بٸر باعىت مەديتسينا تۋريزمٸ سالاسى بولدى. بۇل ورايدا كورەيا تاراپىنىڭ قازاقستاندا ارنايى مەديتسينالىق ورتالىق اشۋعا دا نيەتٸ بار. اتالعان ورتالىق ەلٸمٸزدە اشىلعان جاعدايدا بٷگٸندە كورەي ەلٸنە بارىپ ەم الاتىن قازاقستاندىقتاردىڭ ٶز جەرٸندە جٷرٸپ-اق ساپالى مەديتسينالىق كٶمەك الۋىن مٷمكٸندٸك تۋماق.
پرەزيدەنتتەر 2017 جىلى ەلوردامىز استانادا ٶتەتٸن ەكسپو كٶرمەسٸنە كورەي تاراپىنىڭ قاتىسۋىن دا تالقىعا سالدى. كەزدەسۋ قورىتىندىسىندا قازاقستان مەن كورەيا باسشىلارى ستراتەگييالىق سەرٸكتەستٸك قارىم-قاتىناستى ودان ارى تەرەڭدەتۋ تۋرالى بٸرلەسكەن مەلٸمدەمەگە قول قويدى.
.jpeg)