فوتو: Akorda.kz
پرەزيدەنت قاسىم-جومارت توقاەۆ پرەزيدەنت جانىنداعى عىلىم جەنە تەحنولوگييالار جٶنٸندەگٸ ۇلتتىق كەڭەستٸڭ العاشقى وتىرىسىندا لاتىن ەلٸپبيٸنە كٶشۋ باستاماسىنا قاتىستى پٸكٸر بٸلدٸردٸ, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"تاعى بٸر ٶتە ماڭىزدى مەسەلە. بۇل قازاق تٸلٸنٸڭ لاتىن ەلٸپبيٸنە كٶشۋٸنە قاتىستى. بۇل مەسەلە بٷكٸل قوعامنىڭ ىقىلاسىن تۋدىرعانى بەلگٸلٸ. مەن بۇرىن بۇل مەسەلە بويىنشا تالاي رەت ايتتىم: بٸز, ەڭ الدىمەن, وسى سەتتٸ پايدالانا وتىرىپ, قازاق تٸلٸنە رەفورما جاساۋىمىز كەرەك. مەسەلە كيريلل ەلٸپبيٸنەن لاتىن ەلٸپبيٸنە مەحانيكالىق تٷردە كٶشۋدە ەمەس. بٸز لاتىن ەلٸپبيٸنە تەز ارادا كٶشۋٸمٸز كەرەك دەپ, كٶپتەگەن ٶرەسكەل قاتە جٸبەردٸك", - دەدٸ مەملەكەت باسشىسى.
ول لاتىن قارپٸمەن جازىلعان بيلبوردتاردى مىسالعا كەلتٸردٸ.
"بۇل – قازاق تٸلٸ ەمەس, تٸلٸمٸزدٸڭ تابيعاتىنا جات, بۇرمالانعان مەتٸندەر. سوندىقتان بۇل جۇمىستى عىلىم اكادەميياسىنىڭ باسشىلىعىمەن اسىعىستىققا جول بەرمەي, جان-جاقتى ويلاستىرا وتىرىپ, جالعاستىرۋ كەرەك. تاعى دا قاتەلەسۋگە قۇقىمىز جوق.
بٸر مىسال كەلتٸرەيٸن. مەن بۇل مەسەلە بويىنشا قۇرىلتاي وتىرىسىندا ايتتىم. كيريلليتسادا كٶپتەگەن سٶزدە "ى" دەگەن ەرٸپ بار. مىسالى, "ىرىمشىل" دەگەن سٶزدە ٷش "ى". بٸز ونى اۆتوماتتى تٷردە "ۋ" دەپ جازاتىن بولدىق. سوندا "ىرىمشىل" دەگەن سٶزدٸ لاتىن ەلٸپبيٸندە جازاتىن بولساق, ٷش يگرەك بولادى. بۇل قازاق تٸلٸ مە? ونى كٸم وقي الادى? اقىرىندا, تٸلٸمٸز كيريلل ەلٸپبيٸمەن دە, تٸپتٸ, لاتىن ەلٸپبيٸمەن دە جاعىمسىز كٶرٸنەتٸن بولدى. وسىنداي مىسالدار از ەمەس. سوندىقتان عالىمدارىمىز باسقا ەلدەردٸڭ وزىق تەجٸريبەسٸن مۇقييات زەرتتەپ, ۇتىمدى تۇستارىن پايدالانۋى كەرەك", - دەدٸ توقاەۆ.
