پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ماقۇلداندى, دەپ حابارلايدى قازاقپارات تٸلشٸسٸ.
زاڭ جوباسى بٸر توپ پارلامەنت دەپۋتاتتارىنىڭ باستاماشىلىعىمەن ەزٸرلەندٸ. بۇل تۇرعىدا «تۇرعىن ٷي قاتىناستارى تۋرالى», «مەملەكەتتٸك جاستار ساياساتى تۋرالى», «قر مەملەكەتتٸك ناگرادالار تۋرالى» زاڭدارىنا تٷزەتۋلەر ەسكەرٸلگەن.
«ۇسىنىلىپ وتىرعان تٷزەتۋلەردٸڭ نەگٸزگٸلەرٸنە توقتالساق, كٶپبالالى وتباسى ۇعىمىن «نەكە (ەرلٸ-زايىپتىلىق) جەنە وتباسى تۋرالى» كودەكسٸنە سەيكەس كەلتٸرۋ ەسكەرٸلگەن. بۇل زاڭنامالىق اكتٸلەر اراسىنداعى قايشىلىقتى جويادى. ەكٸنشٸدەن, ساتىپ الۋ قۇقىنسىز جالعا بەرٸلەتٸن تۇرعىن ٷي ۇعىمىن ەنگٸزۋ ەسكەرٸلگەن. بۇل تابىسى تٶمەن حالىقتىڭ ەلەۋمەتتٸك وسال توپتارىنا ارنالعان. ساتىپ الۋ قۇقىنسىز جالعا بەرٸلەتٸن تۇرعىن ٷيدٸڭ تۇراقتى كوممۋنالدىق قورىن قۇرۋعا مۇمكٸندٸك بەرەدٸ», - دەدٸ مەجٸلٸس دەپۋتاتى شاۆحات ٶتەمٸسوۆ.
بۇدان بٶلەك, «التىن القا», «كٷمٸس القا» العاندار نەمەسە بۇرىن «باتىر انا», سونداي-اق بٸرٸنشٸ جەنە ەكٸنشٸ دەرەجەلٸ «انا داڭقى» اتاعىن العان كٶپبالالى انالار مەن كٶپبالالى وتباسىلار ساناتى ٷشٸن تۇرعىن ٷي الۋعا جەكە كەزەك ەنگٸزۋ قاراستىرىلعان.
«مەملەكەتتٸك جوسپارلاۋ جٷيەسٸنٸڭ شەگٸندە ساتىپ الۋ قۇقىنسىز جالعا بەرٸلەتٸن تۇرعىن ٷيدٸ جەنە ونىڭ كٶلەمٸن ايقىنداۋ قارالعان. بۇل نورما كٶپبالالى وتباسىلاردىڭ تۇرعىن ٷي مەسەلەسٸن شەشۋگە, قاراجاتتى تٸكەلەي جەنە ماقساتتى جولداۋعا نەگٸز بەرەدٸ. وسىنىڭ ارقاسىندا, جالعا بەرٸلەتٸن تۇرعىن ٷيدٸڭ كٶلەمٸ ٶسەدٸ دەپ كٷتۋدەمٸز», - دەپ ناقتىلادى ش. ٶتەمٸسوۆ.
«قازٸرگٸ ۋاقىتتا كەزەكتە تۇرعان كٶپبالالى وتباسىلاردىڭ سانى 31 725-كە جەتتٸ. كٶپبالالى وتباسىلاردى جالعا بەرٸلەتٸن تۇرعىن ٷيمەن قامتاماسىز ەتۋ ماقساتىندا «نۇرلى جەر» باعدارلاماسى بويىنشا جىل سايىن 50 ملرد تەڭگە قاراجات بٶلٸنەتٸن بولادى. وسىنىڭ ارقاسىندا جىلىنا كەمٸندە 6 مىڭ پەتەر تاپسىرىلادى», - دەدٸ دەپۋتات.
