قازاقستان ٸسكەر ەيەلدەر قاۋىمداستىعىنىڭ پرەزيدەنتٸ راۋشان سەرسەمباەۆا كٶپبالالى جەنە از قامتىلعان انالاردى قولدايتىن مەملەكەتتٸك باعدارلامالار تۋرالى پٸكٸرٸمەن بٶلٸستٸ, دەپ حابارلايدى قازاقپارات.
راۋشان سەرسەمباەۆانىڭ ايتۋىنشا, قاۋىمداستىقتا كٶپبالالى انالارعا ارنالعان «جەردەم» رەسپۋبليكالىق باعدارلاماسى ٸسكە قوسىلعان. الايدا بۇل باعدارلاماعا قاتىسۋعا انالار بەلسەندٸلٸك تانىتپاي وتىر.
«بٸز ەڭبەك نارىعىندا سۇرانىسقا يە ماماندىقتار بويىنشا تەگٸن وقىتامىز: اسپاز, ناۋبايشى, سۇلۋلىق مامانى, تٸگٸنشٸ. الماتىدا «باقىتتى وتباسى» ورتالىعى ارقىلى 120 ورىن ۇسىندىق, وندا بٸز ەيەلدەردٸ وقىتىپ, سول جەردە جۇمىسقا ورنالاستىردىق. ٶكٸنٸشكە قاراي, بٸزدە وقىعىسى كەلەتٸن ادامداردىڭ تٸزٸمٸ جوق. كٶپبالالى انالاردىڭ ٶزدەرٸ ەرتٷرلٸ سىلتاۋ ايتادى. بٸرٸنٸڭ بالالارىن تاستايتىن جەرٸ بولماسا, ەندٸ بٸرٸ ۋاقىتىنىڭ جوقتىعىن العا تارتادى. بٸز نۇر-سۇلتاندا ەكٸ اسپاز جەنە ەكٸ تٸگٸنشٸنٸ دايىنداپ وقىتتىق. بٸز ولارعا ٶز ٸسٸمەن اينالىسۋ ٷشٸن بەسەكەگە قابٸلەتتٸ ورىنداردا ٷيرەنٸپ, كەيٸن سول جەردە جۇمىس ٸستەۋگە جاعداي جاسادىق. تٸگٸنشٸ ماماندىعى بويىنشا وقىعىسى كەلەتٸن 16 ادام تٸركەلدٸ. ونىڭ 8 راستالدى, وقۋعا 2 ادام كەلدٸ. بيزنەستٸ ٷيرەتۋگە دايىنبىز, بٸز ولاردى تەگٸن وقىتىپ, تۇراقتى جۇمىسقا ورنالاستىرۋعا ەزٸرمٸز. بٸزگە تەك الماتىدان عانا قاۋىمداستىق مٷشەلەرٸنەن 120 ورىن قاجەت, بٸراق ولار قىزىعۋشىلىق تانىتىپ وتىرعان جوق», - دەدٸ سپيكەر.
سونىمەن بٸرگە ول قازاقستاندىق وتباسىلارعا تٶلەنەتٸن اتاۋلى ەلەۋمەتتٸك كٶمەك (اەك) تۋرالى ايتتى. راۋشان سەرسەمباەۆا اتاپ ٶتكەندەي, «اەك قاراپايىم وتباسى مٷشەلەرٸنٸڭ تابىسىنا بايلانىستى بولعاندىقتان, بۇل تەۋەلدٸ كٶڭٸل-كٷي تۋعىزادى, ەيەلگە جۇمىس ٸستەمەي-اق مەملەكەتتەن بەرٸلەتٸن جەردەماقىنى الىپ وتىرعان ىڭعايلى».
«كٶپبالالى انالار اەك الۋعا دايىن, بٸراق بۇل وتباسىنىڭ تابىسىنا بايلانىستى. ەيەلدەر جۇمىس ٸستەگەن جەرٸنەن كەتەدٸ, ٶيتكەنٸ ەگەر ەيەل بٸر جەردە جۇمىس ٸستەپ, تٶرت بالاعا 90 مىڭ السا, اەك ودان كٶبٸرەك. سوندىقتان ولار ٷيدە وتىرعاندى جٶن كٶرەدٸ. ولار كٷيەۋٸنٸڭ تابىسىن جاسىرۋ ٷشٸن اجىراسۋعا دەيٸن بارادى. اەك-نٸڭ تابىسقا بايلانۋى بٸز كٶرٸپ وتىرعان جاعىمسىز جايتتارعا الىپ كەلدٸ. ەيەل جۇمىس ٸستەگٸسٸ كەلەتٸن شىعار, بٸراق وعان اەك الۋ تيٸمدٸ. بٸرٸنشٸدەن, مەملەكەتتٸك قۇرىلىمدارعا اەك-تٸ وتباسى تابىسىمەن بايلانىستىرۋدى الىپ تاستاۋ قاجەت. بٸز ادامداردى وقىتىپ, جۇمىسقا تۇرعىزا الماي وتىرمىز. ولار اتاۋلى ەلەۋمەتتٸك كٶمەكتەن قاعىلامىز دەپ قورقادى », - دەيدٸ راۋشان سەرسەمباەۆا.
ەسكە سالايىق, قر پرەمەر-مينيسترٸنٸڭ ورىنباسارى بەردٸبەك ساپارباەۆ كٶپبالالى انالارمەن كەزدەسۋ بارىسىندا اەك-تٸ شىنىمەن مۇقتاج وتباسىلار الۋى كەرەك ەكەنٸن باسا ايتتى.
الماتىدا 1300-دەن استام كٶپبالالى وتباسىعا تٶلەم توقتاتىلدى, ايىنا 83 ميلليون تەڭگە دۇرىس تٶلەنبەگەنٸ انىقتالدى.
