«قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي-كوممۋنالدىق شارۋاشىلىق مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭى سالاداعى كٶپتەگەن مەسەلەلەردٸ شەشەدٸ.
سونىڭ بٸرٸ كٶپ پەتەرلٸ تۇرعىن ٷيلەردٸ كوندومينيۋم نىسانى رەتٸندە تٸركەۋ تەرتٸبٸ رەتتەلٸپ, وڭايلاتىلادى.
پەتەر يەلەرٸ كووپەراتيۆتەرٸ باسشىلارىنىڭ تۇرعىندارعا ورتاق مٷلٸكتٸ ولاردىڭ كەلٸسٸمٸنسٸز ساتىپ جٸبەرۋٸ نەمەسە جالعا بەرگەنٸ تۋرالى ازاماتتار تاراپىنان ارىز-شاعىمدار جيٸ ايتىلىپ كەلدٸ. ەندٸ كٷشٸنە ەنگەن جاڭا زاڭ بويىنشا مۇنداي ولقىلىقتارعا جول بەرمەۋگە بولادى. ول ٷشٸن نە ٸستەۋ كەرەك?
ەڭ الدىمەن, كٶپ پەتەرلٸ تۇرعىن ٷيلەردٸ كوندومينيۋم نىسانى رەتٸندە تٸركەۋ قاجەت. جەنە وندا جەر ۋچاسكەسٸن قوسا العاندا ٷيدٸڭ جالپى اۋدانى, ورتاق مٷلٸكتٸڭ قۇرامى, ەربٸر پەتەر مەن تۇرعىن ەمەس ٷي-جايلاردىڭ ٷلەسٸ مٶلشەرٸ, جەكەمەنشٸكتەگٸ پەتەرلەر مەن تۇرعىن ەمەس ٷي-جايلاردىڭ اۋدانى انىق كٶرسەتٸلۋٸ تيٸس.
كوندومينيۋمدى تٸركەۋ ارقىلى جالپىعا ورتاق مٷلٸككە دەگەن قۇقىقتارى زاڭدىق تۇرعىدان بەكٸتٸلٸپ, ونى باسقارۋعا تٸكەلەي قاتىسا الادى. مەملەكەتتٸك تٸركەۋ ٷشٸن كەمٸندە 2 ادامنان تۇراتىن باستاماشى توپتىڭ ٶتٸنٸشٸ كەرەك.
زاڭ بويىنشا كوندومينيۋم نىسانى جالپى مٷلٸگٸنٸڭ بٸر بٶلٸگٸن ساتۋعا نەمەسە جالعا بەرۋگە تىيىم سالىنادى. تيٸستٸ شەشٸم تۇرعىنداردىڭ جينالىسىندا قابىلدانۋى كەرەك.
كەيبٸر قۇرىلىس كومپانييالارى نەمەسە باسقارۋشى كومپانييالار ٷيدٸ كوندومينيۋم رەتٸندە تٸركەمەي تۇرىپ, ونىڭ بٶلٸكتەرٸن, ياعني جەرتٶلەلەرٸن, باسپالداق الاڭدارىن نەمەسە ٸرگەلەرٸن ساتىپ جٸبەرەدٸ. زاڭ بويىنشا مۇنداي جاعدايلاردىڭ الدىن الۋ ٷشٸن كوندومينيۋم اۋدانىن ەندٸ ٷيدٸ جوسپارلاۋ كەزٸندە-اق انىقتاپ الادى. وعان قوسا, پايدالانۋعا قابىلدانعان كٶپ پەتەرلٸ تۇرعىن ٷيدٸڭ كوندومينيۋم نىسانىن مەملەكەتتٸك تٸركەۋ مٸندەتٸ ٷيدٸ سالۋشى كومپانيياعا جٷكتەلەدٸ.
ەگەر مٷلٸك يەلەرٸ ٷي ماڭىنداعى جەر ۋچاسكەسٸن جالپى مٷلٸك قۇرامىنا كٸرگٸزۋدٸ قالاسا, جينالىستا تيٸستٸ شەشٸم قابىلداپ, جەرگٸلٸكتٸ اتقارۋشى ورگانعا ٶتٸنٸش بەرە الادى. ولاي بولماعان جاعدايدا جەر مەملەكەتتٸك مەنشٸكتە بولىپ, ونى كٷتٸپ-ساقتاۋ شىعىنى بيۋدجەت ەسەبٸنەن ٸسكە اسىرىلادى.
تاعى بٸر ماڭىزدى مەسەلە, كوندومينيۋم نىسانى رەتٸندە تٸركەۋ جالپى مٷلٸكتٸ باسقارىپ, پايدالانۋعا مٷمكٸندٸك بەرەتٸنٸنە قاراماستان, قازٸرگٸ تاڭدا تۇرعىنداردىڭ وعان قىزىعۋشىلىعى تٶمەن بولىپ وتىر. ٶيتكەنٸ, كٶپ جاعدايدا ٷيدٸڭ تەحنيكالىق تٶلقۇجاتى, جەر ۋچاسكەسٸنٸڭ اكتٸسٸ دەگەن سيياقتى قۇجاتتارى بولمايدى ەرٸ تٸركەۋ شاراسى كٷردەلٸ. نەتيجەسٸندە قازٸر ەلٸمٸزدەگٸ 78 مىڭنان استام كٶپ پەتەرلٸ تۇرعىن ٷيدٸڭ نەبەرٸ 21 مىڭى كوندومينيۋم نىسانى رەتٸندە تٸركەلگەن.
ەندٸ ازاماتتارعا قولايلى بولۋى ٷشٸن كوندومينيۋم نىسانىنىڭ ورتاق مٷلٸگٸن انىقتاي وتىرىپ, كٶپ پەتەرلٸ تۇرعىن ٷيلەردٸ مەملەكەتتٸك تەحنيكالىق زەرتتەۋ, مەملەكەتتٸك تٸركەۋگە قاجەتتٸ قۇجاتتاردى ۇسىنۋ مٸندەتٸ جەرگٸلٸكتٸ اتقارۋشى ورگاندارعا جٷكتەلٸپ, بيۋدجەت ەسەبٸنەن ٸسكە اسىرىلادى.
سونىمەن, كٶپ پەتەرلٸ تۇرعىن ٷيلەردٸڭ كوندومينيۋمىن تٸركەۋ شاراسى وڭايلاتىلدى. ول ٷشٸن ەكٸ مەنشٸك يەسٸنەن ٶتٸنٸش جەتكٸلٸكتٸ. نىساندى تٸركەۋ شاراسىن اۆتوماتتاندىرىپ, مەرزٸمٸن 1 كٷنگە دەيٸن قىسقارتۋ قاراستىرىلعان. قۇقىق بەلگٸلەۋشٸ قۇجاتتاردىڭ نوتاريالدىق راستالعان قۇجاتتارىن ۇسىنۋ تالابى الىپ تاستالدى.
