شەكاراشىلار قىرعىزستاننان كونتراباندالىق جولمەن كەلگەن ٸرٸ تەمەكٸ پارتيياسىن انىقتادى, دەپ حابارلايدى قر ۇقك باسپاسٶز قىزمەتٸ.
«11 ماۋسىمدا قازاقستان شەكاراشىلارى جامبىل وبلىسىنداعى «قاراسۋ» اۆتوموبيل پۋنكتٸندە قىرعىزستاننان قازاقستانعا ٸرٸ تەمەكٸ پارتيياسىن (شامامەن 400 000 قوراپ) كونتراباندالىق جولمەن كٸرگٸزۋدٸڭ الدىن الدى. تەمەكٸ تاۋىق ەتٸ تيەلگەن جٷككە جاسىرىلعان», دەلٸنگەن حابارلامادا.
تەمەكٸنٸڭ رۇقسات قۇجاتتارى مەن اكتسيز ماركالارى بولماعان.
«بۇل قىرعىزستان اۋماعىنان تاۋار-ماتەريالدىق قۇندىلىقتاردى زاڭسىز شىعارۋدىڭ العاشقى كٶرٸنٸسٸ ەمەس ەكەنٸن اتاپ ٶتۋ كەرەك. ۇستالعان تەمەكٸ پارتيياسى جامبىل وبلىسى بويىنشا مەملەكەتتٸك كٸرٸستەر دەپارتامەنتٸنە تاپسىرىلدى», دەلٸنگەن حابارلامادا.
