اقش كونگرەسٸنٸڭ ٶكٸلدەر پالاتاسىنداعى ونداعان دەموكرات پرەزيدەنت دجو بايدەندٸ كۋباداعى گۋانتانامو ەسكەري تٷرمەسٸن جابۋعا شاقىردى. مۇنداي ٷندەۋ 5 تامىزدا – 11 قىركٷيەك كٷنگٸ تەراكتٸگە 20 جىل تولۋىن اتاپ ٶتەتٸن كٷن قارساڭىندا جاسالدى. اتالعان تٷرمە 2001 جىلعى ٸرٸ تەراكتٸدەن كەيٸن اشىلعان ەدٸ.
پرەزيدەنتكە حات جازعان 75 دەموكرات وندا تٷرمەنٸڭ اشىق تۇرعانى مەملەكەتتٸڭ بەدەلٸنە نۇقسان كەلتٸرەدٸ, اقش-تىڭ ادام قۇقىعى مەن زاڭ ٷستەمدٸگٸن قورعاۋ قابٸلەتٸنە زييانىن تيگٸزەدٸ دەپ اتاپ ٶتكەن.
"بٸز سٸزدەن تٷرمەنٸ تٷپكٸلٸكتٸ تٷردە جابۋ ٷشٸن قاجەتتٸ قادام جاساۋىڭىزدى, ول جاقتاعى ادامدار سانىن قىسقارتىپ, قالعان تۇتقىندارمەن ادام سيياقتى قارىم-قاتىناس جاساۋىن قاداعالاۋدى, گۋانتاناموداعى ەسكەري كوميسسييا جۇمىسىندا اشىقتىقتى قامتاماسىز ەتۋدٸ سۇرايمىز" دەدٸ پالاتا مٷشەلەرٸ.
كونگرەسسمەندەردٸڭ مەلٸمەتٸنشە, تٷرمە اشىلعالى بەرٸ وندا شامامەن 800 تۇتقىن جازاسىن ٶتەگەن. قازٸر 39 ەر ادام قالعان. كٶبٸ قارتايعان.
حاتتا دەموكراتتار 2009 جىلى ۆيتسە-پرەزيدەنت بولىپ تۇرعان تۇستا بايدەننٸڭ گۋانتانامو تٷرمەسٸن جابۋ تۋرالى باستامانى قولداعانىن ەسكە سالىپ, قاڭتار ايىندا پرەزيدەنت قىزمەتٸنە كٸرٸسكەننەن كەيٸن بايدەن پوزيتسيياسىنىڭ ٶزگەرمەگەنٸن راستادى دەپ جازعان.
گۋانتانامودا تانىمال تۇتقىنداردىڭ بٸرٸ – اقش-تا 11 قىركٷيەك كٷنگٸ تەراكتٸنٸ ۇيىمداستىردى دەپ ايىپتالعان حاليد شەيح موحاممەد جازاسىن ٶتەپ جاتىر.
