التىن وردا ٶركەنيەتٸنٸڭ ورتالىعى بولعان كٶنە سارايشىق قالاسىنىڭ اۋماعىندا قاسىم حاننىڭ ەسكەرتكٸشٸ ورناتىلۋى مٷمكٸن. ورتالىق كوممۋنيكاتسييالار قىزمەتٸندە ٶتكەن بريفينگٸدە اتىراۋ وبلىسىنىڭ ەكٸمٸ ماحامبەت دوسمۇحامبەتوۆ وسىنداي مەلٸمەت ايتتى, دەپ حابارلايدى قازاقپارات.
«سارايشىقتا ساپار ورتالىعىنان باسقا التىن وردا تاريحىنا ارنالعان مۇراجاي سالۋ جوسپاردا بار. تاريحشىلار كٶنە قالادا كەرۋەن سارايدان بٶلەك قالقىما كٶپٸر بولعان دەپ جازادى. سونداي نىسانداردى ۇيىمداستىرىپ, سول ارقىلى كەلەتٸن تۋريستەرگە تاريحپەن تانىساتىنداي جاعداي جاسايمىز. ٶزٸمٸزدٸڭ شامالاۋىمىزشا, بۇل جوبا جىلىنا 700 مىڭعا دەيٸن ادام قابىلداۋعا مٷمكٸندٸك بەرەدٸ. بٸرٸنشٸدەن, شەتەلدٸك ەمەس, ٶزٸمٸزدٸڭ ٶڭٸرلەردەن كەلەتٸن جاستاردى, مەكتەپ جاسىنداعى بالالاردى سول جەرگە اپارىپ, تاريحقا تانىستىرامىز», - دەگەن ەكٸم قاسىم حاننىڭ ەسكەرتكٸشٸن سالۋ دا جوسپاردا بار ەكەنٸن ايتتى.
«شەشٸم قابىلدانسا, ورتالىق مەملەكەتتٸك ورگاندارمەن, ٷكٸمەتپەن بٸرگە سول جۇمىستاردى جٷرگٸزۋگە دايىنبىز. سونداي ۇسىنىس بەردٸك. ەرٸ قاراي قولداۋ كٷتٸپ وتىرمىز. سٸز ايتىپ وتىرعان التىن وردانىڭ 750 جىلدىعىنا ارنالعان حالىقارالىق كونفەرەنتسييادا قاسىم حاننىڭ ەسكەرتكٸشٸن كٶتەرۋ تۋرالى ۇسىنىس بولدى. ونى دا ٶتە دۇرىس كٶرٸپ وتىرمىز. ەگەر سارايشىقتا مەموريالدىق كەشەن بولعاندا ول جەردە قاسىم حاننىڭ ەسكەرتكٸشٸ تۇرسا, سارايشىق تۋريزمنٸڭ ٷلكەن بٸر ورتالىعىنا اينالار ەدٸ», - دەدٸ ماحامبەت دوسمۇحامبەتوۆ.
