ەلٸمٸزگە بەلگٸلٸ «Kusto Group» حالىقارالىق كومپانيياسى تٶتەنشە جاعداي كەزٸندە قازاقستان بويىنشا كٶمەككە مۇقتاج جاندارعا قول ۇشىن بەرگەن ەدٸ. «Kusto Help» قايىرىمدىلىق جوباسى ەلٸمٸز بويىنشا 10 665 وتباسىنا, جالپى سالماعى 266 توننا ازىق-تٷلٸك كٶمەگٸن تاراتتى. سونىڭ ٸشٸندە جامبىل اۋدانى بويىنشا 200 وتباسىنا ازىق-تٷلٸك سەبەتتەرٸ تاراتىلدى.
قايىرىمدىلىق كەرۋەنٸمەن جٷرگەن سول ساپارىندا كومپانييا باسشىسى ەركٸن تەتٸشەۆ مىرزا اۋدان ەكٸمٸ باعدات ەليەۆپەن اقىلداسا كەلٸپ, ەر تٷرلٸ ۇلت ٶكٸلدەرٸنەن قۇرالعان 9 بالا اسىراپ وتىرعان كەرٸباەۆتار وتباسىنا 12 ورىندىق مينيۆەن اۆتوكٶلٸگٸن الىپ بەرۋدٸ ۇيعارعان ەدٸ.
1 ماۋسىم – حالىقارالىق بالالاردى قورعاۋ كٷنٸ مەرەكەسٸنە وراي اتالمىش كومپانييانىڭ ديرەكتورى ەركٸن تەتٸشەۆ مىرزا جامبىل اۋدانىنا ارنايى كەلٸپ, ۋەدە بويىنشا كەرٸباەۆتار وتباسىنا اۆتوكٶلٸكتٸڭ كٸلتٸن تابىستادى.
سالتاناتتى شاراعا اۋدان ەكٸمٸ باعدات ەليەۆ, اۋداندىق مەسليحاتتىڭ حاتشىسى سايات جۇرىن, اۋدان ەكٸمٸنٸڭ ورىنباسارى ەدٸلبەك قامبارۇلى, اۋداندىق بٸلٸم بٶلٸمٸنٸڭ باسشىسى لەيلاش بەكٸروۆا قاتىستى.
باعدات بايشالۇلى ەلٸمٸزدٸڭ ەر ٶڭٸرٸندە قايىرىمدىلىق جاساپ جٷرگەن «Kusto Group» كومپانيياسىنىڭ باسشىلارىنا العىس ايتتى. ول ٶز سٶزٸندە:
- بٷگٸن بەلگٸلٸ جۋرناليست, كٶپبالالى انا ەلييا ابسەمەتوۆا قارىنداسىمىزدىڭ وتباسىندا ەرەكشە قۋانىشتى سەت ورىن الدى. سوعىس جىلدارىنداعى ەلييانىڭ باتىرلىعى بٸر تٶبە. ال بٷگٸنگٸ زاماننىڭ باتىر ەليياسى – جٷرەگٸ مەيٸرٸمگە تولى وسى قارىنداسىمىز دەپ بٸلەمٸن. ٶيتكەنٸ, ول انالىق قۇشاعىنا تەك ٶزٸنٸڭ بالالارىن عانا ەمەس, ٶزگە ۇلتتىڭ بالالارىن دا سىيعىزا بٸلدٸ. «كەڭ بولساڭ, كەم بولمايسىڭ» دەگەن وسى بولار. كەرٸباەۆتار وتباسىن كٶلٸكپەن قامتاماسىز ەتۋٸ – وبلىس ەكٸمٸ اماندىق باتالوۆتىڭ ارنايى تاپسىرمالارىنىڭ بٸرٸ ەدٸ. مٸنەكي, بٷگٸن سول تاپسىرمانىڭ ورىندالۋىنا ەركٸن باۋىرىمىز سەبەپكەر بولىپ وتىر. «Kusto Group» كومپانيياسىنا ەرەكشە العىسىمدى ايتامىن, - دەدٸ.
ەلييا ابسامەتوۆا دا ٶزٸنٸڭ تولقىعان كٶڭٸل-كٷيٸن بىلاي جەتكٸزدٸ: «ارمان ورىندالادى. تەك وعان جەتۋ ٷشٸن شىنايى مەيٸرٸمدٸلٸك, ادال ەڭبەك ەتۋ كەرەك. مٸنە, بٸز كٶپتەن بەرٸ ارمانداعان اۆتوكٶلٸكتٸڭ كٸلتٸن «Kusto Group» كومپانيياسى بٷگٸن تابىستاپ وتىر. بٸز ٶتە قۋانىشتىمىز. ەسٸرەسە, بالالارىمىز ەرەكشە قۋانىشقا بٶلەندٸ. بۇل كٶلٸك بالالار مەرەكەسٸندە بٸزدٸڭ وتباسىمىزعا جاسالعان ەرەكشە باعالى سىيلىق بولدى. كومپانييا ٶكٸلدەرٸنە العىسىم شەكسٸز. جۇمىستارىنا تابىس تٸلەيمٸن», - دەدٸ.
قارعالى اۋىلىنىڭ تۇرعىندارى, كەرٸباەۆتار وتباسى تەك الماتى وبلىسىنا عانا ەمەس, بٷكٸل قازاقستانعا بەلگٸلٸ. 2018 جىلى "مەرەيلٸ وتباسى" ٶڭٸرلٸك بايقاۋىن جەڭٸپ, قازاقستاننىڭ 16 ٷزدٸك وتباسى تٸزٸمٸنە ەنگەن.
باقتييار ايتالى
جامبىل اۋدانى
الماتى وبلىسى
