قازاقستان كوممۋنيستٸك حالىق پارتيياسى قورداي اۋدانىنداعى جاپپاي تٶبەلەستەن قازا بولعان ازاماتتاردىڭ وتباسىنا كٶڭٸل ايتتى, دەپ حابارلايدى قازاقپارات پارتييانىڭ Facebook پاراقشاسىنا سٸلتەمە جاساپ.
«قازاقستان كوممۋنيستٸك حالىق پارتيياسى جامبىل وبلىسىنىڭ قورداي اۋدانىنداعى تەرتٸپسٸزدٸك سالدارىنان قازا بولعان ازاماتتاردىڭ وتباسىنا قايعىرىپ كٶڭٸل ايتادى. كوممۋنيستەر ادام شىعىنى ورىن العان وقىس وقيعا وبەكتيۆتٸ تٷردە تەكسەرٸلٸپ, كٸنەلٸلەر قاتاڭ جاۋاپقا تارتىلۋى تيٸس دەپ سانايدى. بٸز ينتەرناتسيوناليزم يدەياسى مەن حالىقتار باۋىرلاستىعى ناسيحاتتالاتىن كٶپۇلتتى ەلدە بۇزاقىلاردىڭ باسسىزدىعى تٷرلٸ ەتنوستار اراسىندا قالىپتاسقان دوستىق قارىم-قاتىناسقا سىنا قاعا المايتىنىنا سەنەمٸز», - دەپ جازادى پارتييا.
كوممۋنيستەر قازاقستاندىقتاردى ارانداتۋشىلىققا ۇرىنباۋعا شاقىردى.
«بٸز اقىل - جەڭەدٸ, اشۋ - باسىلادى, شىندىق - انىقتالادى, قۇقىق قورعاۋشىلار كٸنەلٸلەردٸ تاۋىپ, جازاسىن بەرەدٸ, ال باۋىرلارىمىز بەن قارىنداستارىمىزدىڭ شاڭىراعىنا تىنىشتىق ورنايدى دەپ ٷمٸتتەنەمٸز. قازاقستان - بٸزدٸڭ ورتاق ٷيٸمٸز, ەرقايسىمىز ونىڭ قاۋٸپسٸزدٸگٸ مەن تۇراقتىلىعىنا جاۋاپتىمىز. بٸزدٸڭ قۋاتىمىز بٸزدٸڭ تۇتاستىعىمىزدا. بٸز بٸرگە بولعاندا عانا سىن-قاتەرلەرگە تٶتەپ بەرەمٸز», - دەيدٸ پارتييا باسشىلىعى.
قازاقستان كوممۋنيستٸك حالىق پارتيياسى تەرگەۋ جۇمىستارىنىڭ وبەكتيۆتٸلٸگٸن باقىلاۋدا ۇستايدى جەنە قوعامدىق قاۋٸپسٸزدٸك سالاسىنداعى مەملەكەتتٸك ساياساتتىڭ تيٸمدٸلٸگٸن ارتتىرۋدى تالاپ ەتەدٸ.
