قازاقستان كوممۋنيستٸك حالىق پارتيياسى اۋعان سوعىسى ارداگەرلەرٸنٸڭ مەسەلەسٸن كٶتەرٸپ, «ارداگەرلەر تۋرالى» زاڭعا تٷزەتۋلەردٸ ەنگٸزۋدٸ ۇسىنباق, دەپ حابارلايدى قازاقپارات.
ەلوردادا قازاقستان كوممۋنيستٸك حالىق پارتيياسى مەن قازاقستاننىڭ ينتەرناتسيوناليست-جاۋىنگەرلەرٸنٸڭ ارداگەرلەر ۇيىمدارى ورتالىق كەڭەسٸنٸڭ جيىنى ٶتتٸ. قكحپ وك حاتشىسى, قر پارلامەنتٸندەگٸ اتالمىش پارتييا فراكتسيياسىنىڭ جەتەكشٸسٸ ايقىن قوڭىروۆ جيىننىڭ نە ٷشٸن ۇيىمداستىرىلىپ وتىرعانىن ايتىپ بەردٸ.
«ەلٸمٸزدە «ارداگەرلەر تۋرالى» زاڭ قابىلداندى. بٷگٸنگٸ كٷنٸ وعان قول قويىلىپ, قۇجات نەگٸزٸندە جۇمىس باستالىپ كەتتٸ. الايدا وسى جىلدىڭ جازىندا بٸزدٸڭ وبلىستىق قۇرىلىمدارعا ينتەرناتسيوناليست-جاۋىنگەرلەر جٷگٸنٸپ, اتالمىش زاڭعا تٷزەتۋلەر ەنگٸزۋ تۋرالى ۇسىنىستارىن جەتكٸزدٸ. تالداۋ بارىسىندا قازاقستان كوممۋنيستٸك حالىق پارتيياسى وسى تٷزەتۋلەردٸ قولداۋ تۋرالى شەشٸم قابىلدادى. تيٸسٸنشە بٸز ارداگەرلەردٸڭ ەلەۋمەتتٸك قورعالۋىن, باسپانامەن قامتۋ, قوسىمشا جەردەماقىمەن (اۋعان سوعىسى ارداگەرلەرٸن) قولداۋ, تٷپتەپ كەلگەندە مەرتەبەسٸن ايقىنداۋ باستاماسىن كٶتەرۋدٸ جٶن كٶردٸك», - دەدٸ ول قكحپ نۇر-سۇلتان قالالىق كوميتەتٸنٸڭ كەڭسەسٸندە ٶتكەن وتىرىستا.
اۋعان سوعىسى ارداگەرلەرٸ ورتالىق كەڭەسٸنٸڭ مٷشەسٸ قايرات ەلۋباەۆتىڭ ايتۋىنشا «ارداگەرلەر تۋرالى» زاڭ بويىنشا اۋعان سوعىسىنىڭ ارداگەرلەرٸ ٷكٸمەتپەن بٸرگە 2007 جىلدان بەرٸ جۇمىس جٷرگٸزٸلٸپ جاتىر.
«2020 جىلى زاڭدى تالقىلاۋ كەزٸندە اۋعان سوعىسى ارداگەرلەرٸ ۇيىمدارىنىڭ مٷشەلەرٸ شاقىرىلماعان. ول زاڭدا بٸزدٸڭ ۇسىنىستار قابىلدانبادى. سول سەبەپتٸ بٸزدٸڭ ورتالىق كەڭەستٸڭ شەشٸمٸمەن بۇل زاڭدى جەتٸلدٸرۋ كەرەك دەپ سانايمىز. جالپى اۋعان سوعىسى ارداگەرلەرٸنٸڭ مەرتەبەسٸن دۇرىستاپ ايقىنداۋ كەرەك. زاڭدى تالقىلاۋ كەزٸندە اۋعان سوعىسىنىڭ ارداگەرلەرٸ ەلەۋمەتتٸك جەلٸ بولسىن, ۆيدەوٶتٸنٸم بولسىن ٶزدەرٸنٸڭ نارازىلىقتارىن ايتىپ كەلە جاتىر», - دەيدٸ ول.
قايرات ەلۋباەۆ اۋعان سوعىسىنا 22 مىڭنان استام قازاقستاندىق قاتىسقانىن, سونىڭ بٷگٸن دە 16-17 مىڭ ادامى قالعانىن ايتادى.
«18-20 جاس ارالىعىنداعى جاستار سول ۋاقىتتا سوعىسقا باردى. 30 جىل بويى بٸزگە ناقتى «سوعىسقا قاتىسۋشى» دەگەن مەرتەبە بەرۋدٸ سۇرادىق. بٸراق ۇسىنىستارىمىز ەسكەرٸلمەي كەلەدٸ. حالىقتىڭ, پرەزيدەنتتٸڭ جەنە پارلامەنتتٸڭ الدىنا وسى مەسەلەنٸ قايتا كٶتەرەيٸك دەپ جاتىرمىز», - دەيدٸ ول.
