كولۋمبييانىڭ ەڭ ٸرٸ اۆياكومپانييالارىنىڭ بٸرٸ Aviansa مەدەلين-بوگوتا رەيسٸ كەزٸندە ۇشاق بورتىندا تٸرٸ داۋىستا كونتسەرت قويۋ ٷشٸن فيلارمونييا وركەسترٸنٸڭ مۋزىكانتتارىن شاقىرعان. بۇل تۋرالى كومپانييا Twitter-دەگٸ پاراقشاسىندا جازدى, دەپ حابارلايدى "ۇلت اقپارات".
«مەدەليننەن بوگوتاعا ۇشقان AV8565 رەيسٸنٸڭ جولاۋشىلارى مەدەلين فيلارمونييالىق وركەستردٸڭ 10 مىڭنان استام فۋت (3048 م.) بيٸكتٸكتە ٶتكەن كونتسەرتٸنٸڭ ارقاسىندا ۇمىتىلماس ساياحات جاسادى»,- دەلٸنگەن حابارلامادا.
الايدا كەيبٸر جولاۋشىلار مەن ماماندار ەۋە كومپانيياسىنىڭ شەشٸمٸن سىنعا الىپ, ونى COVID-19 ينفەكتسيياسىنىڭ تارالۋىن بولدىرماۋ ٷشٸن قابىلدانعان قاۋٸپسٸزدٸك تالاپتارىن بۇزعانى ٷشٸن ايىپتاپ وتىر.
مىسالى, كولۋمبييا ەپيدەميولوگى سۋلما كۋكۋنۋبا پاندەمييا جاعدايىندا «جابىق عيماراتتاردا ەن شىرقاپ, ٷرمەلٸ اسپاپتاردا ويناۋ كەڭەس ەتٸلمەيتٸنٸن» مەلٸم ەتتٸ
